دەستەیا حەج و عومرێ یا عیراقێ د ڕاگەهاندنەكێ دا بەلاڤكریە، شاندێ حەجییێن عیراقێ ل سعودییێ خەلاتێ ئێكێ ب دەستڤەئینا و وەك باشترین شاندێ حەجییان هاتە دیاركرن.
وەزارەتا حەج و عومرێ یا سعودییێ دوهی ڕۆژا ئەینی د ڕێوڕەسمەكی دا شاندێ حەجییێن عیراقێ وەك باشترین شاندێ وەلاتێن ئیسلامی دیاركر كو د ڤی وەرزێ حەجێ دا ژ ڕوویێ بجهـئینانا پیڤەر و تایبەتمەندییان ئێكەم بوویە خەلاتكر. ئەو خەلاتە ژی ب سامی مەسعوودی، سەرۆكێ دەستەیا حەج و عومرێ یا عیراقێ هاتەدان.
ل دویڤ زانیارییان، ئەڤسالە 37 هزار كەس ژ عیراقێ ژبۆ ئەنجامدانا فەرزا حەجێ چووینە سعودییێ.