ئاکرێ نیوز:
سەربەست صەبری رێڤەبەرێ ناحیا دینارتێ دا دیارکرن کو ئەڤە دەمەکێ درێژە خەلکێ سەنتەرێ ناحیا دینارتێ ل وەرزێ هاڤینێ کێشا کێم ئاڤیێ دروست دبیت، بەلێ خۆشبەختانە نها رەزامەندی بۆ لێدانا سێ بیرێن ئاڤێ هاتیە و بەلێندەری پرۆژە وەرگرتینە.
رێڤەبەرێ ناحیا دینارتێ زێدەتر گۆت کو هەرسێ بیرێن ئاڤێ دێ ل( مەزرینگان،سەنتەرێ ناحیێ،ئامادا)هێنە لێدان و دەمەکێ نزیک بەلێندەر دێ دەست ب کارێ خۆ کەت و ئەڤ کێشا کێم ئاڤیێ تارادەکێ دێ ل ڤان جهان هێتە چارەسەرکرن.
دلشاد دەروێش مختارێ ناحیادینارتە ژی گۆت ئەڤە چەندین سالە خەلکێ ناحیا دینارتێ گازندا کێمیا ئاڤێ هەی و ئەم دگەل گازندا خەلکی دابووینە وگەهاندیە لایەنێن پەوەندیدار.گۆت هەتا هزار مالان ل سەنتەرێ ناحیا دینارتێ هەنە و پتری 6هزار ئاکنجی هەنە و نها سێ بیرێن ئاڤێ هەنە،ئەڤ چەندە پێدڤیا خەلکی دابین ناکەت،چونکی رێژا خەلکی یا زێدەترلێدهێت،لێ لێدانا ڤان بیران تا رادەکێ ئەڤ کێشا کێم ئاڤیێ نامینیت وئەم دەستخۆشیێ ل هەمی لایەنێن پەیوەندیدار دکەین کو ب هانا خەلکێ ناحیێ هاتین بۆ چارەسەرکرنا کێشا کێم ئاڤێ ل ناحیێ.