یانه‌یا هیلال یا سعوودى ژ بۆ بهێزكرنا رێزێن خۆ بۆ وه‌رزێ بهێت چاڤێن خۆ داناینه سه‌ر دو ستێرێن ته‌پاپێى ل جیهانێ.
رۆژنامه‌یا ئه‌لیه‌وم یا سعوودى راگه‌هاند؛ یانه‌یا هیلال هزر د ڤه‌گوهاستنا نه‌یمار دا سێلڤا ستێرا پاریس سان جێرمان یان بێرناردۆ سێلڤا ستێرا مان ستى بۆ دناڤ رێزێن خۆ دا دكه‌ت.
یانه‌یا هیلال به‌رى چه‌ند رۆژان ئیمزاكرنا هه‌ڤبه‌ستێ ل گه‌ل روبێن نێڤێز ژ یانه‌یا وێلڤه‌رهامپتۆن و كالیدۆ كۆلیبالى ژ یانه‌یا چێلسى راگه‌هاند بوو و د نوكه دا هزر د ڤه‌گوهاستنا یاریكه‌ره‌كێ سوپه‌ر بۆ دناڤ رێزێن خۆ دا دكه‌ت.
وێ رۆژنامه‌یا سعوودى ئاشكرا ژى كریه؛ یانه‌یا هیلال ل ده‌ستپێكێ دێ بزاڤێن ئینانا نه‌یمارى بۆ دناڤ رێزین خۆ دا كه‌ت، ئه‌گه‌ر بسه‌رنه‌كه‌فت، دێ ده‌ست ب بزاڤێن ڤه‌گوهاستنا بێرناردۆ سێلڤاى بۆ یانه‌یێ كه‌ت.
دیار ژى كر؛ شانده‌كێ یانه‌یا هیلال دو كۆمبوون ل گه‌ل بریكارێن نه‌یمارى ئه‌نجامداینه و د وان هه‌ردو كۆمبوونان دا نیشانێن ئه‌رێنى ژ نه‌یمارى هاتبوونه دیتن.
زێده ژى كریه: هه‌روه‌سا گۆتوبێژێن دناڤبه‌را هیلال و بێرناردۆ سێلڤاى دا پێشكه‌فتن ب خۆڤه دیتینه