بلند رزا زبێر سەرۆکێ باژێرڤانیا ئاکرێ دیاركر، چار جادده‌یێن قه‌زا ئاكرێ ب درێژاهییا شه‌ش كیلۆمه‌تران ب كوژمێ ئێك ملیار و 892 ملیۆن و 625 هزار دیناران دێ هێنه قێركرن.
سەرۆکێ باژێرڤانیا ئاکرێ بۆ ئاکرێ نیۆز دیاركر، سەرۆکایه‌تییا باژێرڤانییا ئاکرێ، نوکە کار ل سەر پرۆژەیێ چێکرنا جاددەیێن تاخێن کوشینە دوو، کوشینە سێ، تاخێ کوردستان و تاخێ 11 ئەیلولێ دكه‌ت، كو ئەڤ پرۆژە ب درێژاھییا شەش کیلۆمەتران ب كوژمێ ئێك ملیار و 892 ملیۆن 625 ھزار دیناران دھێتە بجهئینان.
ئاماژه ب هندێ ژی دا، رێژه‌یا بجهئینانا پرۆژەی بوویە 25%ێ، پرۆژەکێ تمامە ژ ئاڤ و کارەبێ، ئه‌ڤه دبیته جارا ئێكێ ئه‌و جادده و خزمەتگوزاریێن دیتر هه‌موو د ئێك ده‌مدا دهێنه قێركرن.