ئاکرێ نیوز
ل ئاکرێ میلاد و سەحر هەردوو نابیستن و چوونە دپرۆسا هەڤژینیێ دا و 20 هەڤالێن وانا یێن نابیست پشکداری شەهیانا وانا بوون.
(ميلاد ئازاد ئەحمەد شكاك ) و (سەحەر ئەشقی كاكل ) هەردوو خودان پێدڤێین تایبەتن و نابیستن و ئاهنگا هەڤژینیێ سازکر و هژمارەکا بەرچاڤا هەڤالێن وانا یێن نابیست پشکداری د ئاهنگا وانا داکر.
وەکو مالباتا میلاد بۆ ئاکرێ نیوز دیارکری کو ل چاڤدێریا جڤاکی میلادی پاداشتەکێ هەیڤانە هەیە کو ب تنێ 150,000 دینارن .
هەروەها ئەڤە بۆ دەمێ 6 سالایە کارێ وێنەگریێ بۆ لێژنا ناوچا رزگاری ل بەشێ راگەهاندنێ کاردکەت ئەو ژی هاریکاریەکێ ددەنێ لێ داخوازیا وی ئەوە کو لسەر وی کاری بهێتە دامەزراندن یان ژی وەکو کادر ل بەشێ راگەهاندنا ناوچا رزگاری بهێتە دامەزراندن، ژبەرکو ئیدی ئەڤرو پێدا ئەرک و بەرپرسیاریێن وی یێن ژیارێ دێ زێدەبن لەورا ئەڤ داخوازەکر.
تێزنین میلاد ل بنەمالەکا کوردپەروەرە و ل بنەرەتدا ل بنەمالا (جوهر اغای شکاکە) کو دبیتە برای مەزن یی شورشگێرێ کورد ( سمکویێ شکاک) و باپیرێ میلادی ( احمد شکاک) ل سالا 1961 گەهشتیە رێزێن پێشمەرگێن پارتی ل گوندێ ( ژوژیلێ) لسەر قەزا ( سیدەکان) مل بملی رەحمەتی (مەلا مصطفی بارزانی ) و سەروک ( مسعود بارزانی) حەتا سالا 1975 خەبات کرییە و دشورشێ دابوونە.
دیڤدا بووینە پەنابەرێن وەلاتێ ئیرانێ و (میلاد ) ل وی دەمی ژدایک بوویە دەمێ پەنابەر ل ئیرانێ و (میلاد) د زکماکدا نابیستان بوویە .