بڕیاره ئه‌ڤرۆ مه‌كته‌بێن سیاسى یێن پارتى و ئێكه‌تیێ كۆم ب بن و مژارا سه‌ره‌كى یا كۆمبوونێ هه‌لبژارتنێن هه‌رێما كوردستانێیه.
ل گۆره‌ى زانیاریێن گاڤ ئه‌ڤرۆ دێ هه‌ردو مه‌كته‌بێن سیاسى یێن پارتا دیمۆكراتا كوردستانێ و ئێكه‌تییا نیشتیمانییا كوردستانێ ل ده‌باشان كۆم بن.
كۆمبوون ل سه‌ر داخوازا بروسكه‌یه‌كا سه‌ركرداتییا ئیكه‌تیێیه كو پارتى به‌رسڤدایه و ڕازى بوویه بۆ كرنا وێ كۆمبوونێ.
كۆمبوون د ده‌مه‌كىدا دهێته‌كرن، ئالۆزى و ناكۆكى ل سه‌ر هژماره‌كا پرس و مژاران ل سه‌ر ئاستێ هه‌رێمێ و ئیراقێ دناڤبه‌را هه‌ردو ئالیان دا هه‌نه.
ل گۆره‌ى زانیاریان، مژارا سه‌ره‌كى یا كۆمبوونا ئه‌ڤرۆ، پرسا هه‌لبژارتنێن هه‌رێمێیه كو سه‌رۆكاتییا هه‌رێمێ ل دۆر ڤێ پرسێ دگه‌ل ئالیێن سیاسى د دانوستاندنێ دایه.