شاندەکێ بلند یێ سەرۆکاتیا هەرێما کوردستانێ ب مەرەما دیارکرنا ژڤانەکێ دی بۆ هەلبژارتنان ل گەل ئالیێن سیاسی گۆتوبێژان دکەت.
دلشاد شەهاب، پەیڤدارێ سەرۆکاتیا هەرێما کوردستانێ راگەهاند؛ ل سەر بریارا سەرۆک نێچیرڤان بارزانی ب مەرەما وەرگرتنا بوچوونان و دەستنیشانکرنا ژڤانەکێ دی بۆ هەلبژارتنێن پەرلەمانێ کوردستانێ ئەڤرۆ شاندەکا بلند یا سەرۆکاتیا هەرێما کوردستانێ زنجیرەکا سەرەدانان بۆ ئالی و حزبێن سیاسی دەستپێکریە و تێدا بوچوونێن وان ئالیان بۆ دیارکرنا ژڤانەکێ نوی بۆ هەلبژارتنان وەرگرتینە.
هەروەسا دیار کر؛ هێز و ئالیێن سیاسی پێشوازی ل ڤێ گاڤا سەرۆکێ هەرێما کوردستانێ کر و بەرهەڤیا خۆ بۆ پشتەڤانیکرنا ڤێ گاڤێ و سەرخستنا پرۆسێ نیشان دایە.
پەیڤدارێ سەرۆکاتیا هەرێما کوردستانێ دا زانین ژی؛ د کۆمبوونان دا حزب و ئالیێن سیاسی بزاڤێن سەرۆک نێچیرڤان بارزانی ژ پێخەمەت ئێکرێزیا ناڤخۆیی و ئێکهەلویستی و یەکگرتوویا سیاسی ل ئاست پرسێن چارەنڤیسساز دا ب گرنگ و خەمخورانە وەسف کرینە.
هەروەسا دەربەری ئەنجامێن کۆمبوونا ژی گۆت: دێ سەرەدانا هەمی ئال و حزبان کەن و پشتی وەرگرتنا بیروبوچوونان، سەرۆک نێچیرڤان بارزانی دێ ب فەرمانەکا هەرێمی ژڤانەکێ نوی بۆ هەلبژارتنێن پەرلەمانێ کوردستانێ دیار کەت.
دلشاد شەهاب، پەیڤدارێ سەرۆکاتیا هەرێما کوردستانێ راگەهاند؛ ل سەر بریارا سەرۆک نێچیرڤان بارزانی ب مەرەما وەرگرتنا بوچوونان و دەستنیشانکرنا ژڤانەکێ دی بۆ هەلبژارتنێن پەرلەمانێ کوردستانێ ئەڤرۆ شاندەکا بلند یا سەرۆکاتیا هەرێما کوردستانێ زنجیرەکا سەرەدانان بۆ ئالی و حزبێن سیاسی دەستپێکریە و تێدا بوچوونێن وان ئالیان بۆ دیارکرنا ژڤانەکێ نوی بۆ هەلبژارتنان وەرگرتینە.
هەروەسا دیار کر؛ هێز و ئالیێن سیاسی پێشوازی ل ڤێ گاڤا سەرۆکێ هەرێما کوردستانێ کر و بەرهەڤیا خۆ بۆ پشتەڤانیکرنا ڤێ گاڤێ و سەرخستنا پرۆسێ نیشان دایە.
پەیڤدارێ سەرۆکاتیا هەرێما کوردستانێ دا زانین ژی؛ د کۆمبوونان دا حزب و ئالیێن سیاسی بزاڤێن سەرۆک نێچیرڤان بارزانی ژ پێخەمەت ئێکرێزیا ناڤخۆیی و ئێکهەلویستی و یەکگرتوویا سیاسی ل ئاست پرسێن چارەنڤیسساز دا ب گرنگ و خەمخورانە وەسف کرینە.
هەروەسا دەربەری ئەنجامێن کۆمبوونا ژی گۆت: دێ سەرەدانا هەمی ئال و حزبان کەن و پشتی وەرگرتنا بیروبوچوونان، سەرۆک نێچیرڤان بارزانی دێ ب فەرمانەکا هەرێمی ژڤانەکێ نوی بۆ هەلبژارتنێن پەرلەمانێ کوردستانێ دیار کەت.