ئاکرێ نیوز:
کەمال وەرتی رێڤەبەرێ گشتی یێ باجێ ل وەزارەتا داریی وئابوریا حکومەتا هەرێما کوردستانێ راگەهاند کو ئارمانجا بهێزکرنا ژێرخانا ئابوریا هەرێما کوردستانێ بریار هاتیەدان کو داهاتێ نافخۆ بهێتە رێکخستن ل ناڤ دا ژی داهاتێ باجێ،ئارمانج ل وەرگرتنا باجێ تنێ داهات نیە،بەلکو ئێکسانیا جڤاکی یە.
راگەهاند ژی پشکا شێری ل کابینا نەهێ دا رێکخستن وریفورمە ل سێکتەرێ باجێ دا بوویە،ئەڤ پلانە بەشەکێ ئەنجام دەرکەفتی یە وبەشێ دی ل داهاتی دا ئەنجام دێ دەرکەڤن.
رێڤەبەرێ باجێ گۆت ژی ل چەند سالێن داهاتی دا باشترین ئەنجام دێ ل رێکخستا سیستەمێ باجێ دا هێتە دیتن،باج دان ئەرکەکێ ئەخلاقی و ئاینی یە،چونکی ب وی داهاتێ دهێتە کومکرن حکومەت دوبارە ل خزمەتا تەخ و چینا هەژاران خەرج دکەتەڤە.
گۆت حکومەتا هەرێما کوردستانێ یا رژدە ل رێکخستنا سێکتەرێ باجێ و ڤەگەراندنا داهاتی بۆ چینا ناڤنجی و هەژارا و ل چەند مانگێن داهاتیدا سەرۆکێ حکومەتێ پلانەکا ستراتیژی یارێکخستنا باجێ دێ راگەهینیت.
دەربارێ خۆ ڤەدزین ل باجێ کەمال وەرتی گۆت کو زێدەتر ل هزار کومپانیان ل سەر باج نەدانێ لێپرسین دگەل هاتیەکرن و بەشەکێ ل وان داینە دادگەهێ وبەشەک ژی هاتینە سزادان و باج ل سەر خەلکی نەهاتیە زێدەکرن تنێ هاتیە رێکخستن،تاوانا خۆ ڤەدزین ل باجێ ل هەمی جیهانێ تاوانەکا مەزنە و سزایێ خۆ وەردگریت.
بەحس ل وێ ئێکێ ژی کر کو بەشەکێ وان خزمەتگۆزاریێن ل هەرێما کوردستانێ دهێنە ئەنجامدان داهاتێ وێ ب رێکا سیستەمێ باجێ دهێتە دابینکرن،هەروەسا ئەو باجا ل عێراقێ دهێتە وەرگرتن گەلەک زێدەترە ل وێ یا حکومەتا هەرێمێ وەردگریت.
ئاماژە ب هندێ ژی دا زوربەیا وەزارەتان ل لیستا موچەی دا موچە ل داهاتێ نافخۆ بۆ دهێتە خەرجکرن.