ژێده‌ره‌كى ژ حكومه‌تا هه‌رێما كوردستانێ، ژبۆ پێدانا مووچه‌یێن فه‌رمانبه‌رێن هه‌رێمێ، هه‌ولێر چاڤه‌رێى بجهئینانا یاسایا بودجه‌یا گشتى یا ئیراقێ و هنارتنا پشكا هه‌رێمێ یه، لێ ئه‌گه‌ر یاسایا بودجه‌یێ د ڤێ هه‌فتیێ دا نه‌هێته بجهئینان، به‌غدا دێ 800 ملیار دیناران بۆ هه‌رێمێ هنێریت بۆ به‌لاڤكرنا مووچه‌یان.
لگوری زانیاریان ئه‌ڤرۆ كۆمبوونێن شاندا هه‌رێمێ ل به‌غدا دێ تایبه‌ت بن ب دابینكرنا 800 ملیارێن مووچه‌یێ فه‌رمانبه‌ران ب ره‌نگه‌كى كو به‌غدا د ڤێ حه‌فتیێ دا وان پاره‌یان بۆ هه‌رێمێ بهنێریت یان ژى هه‌ر د ڤێ حه‌فتیێ دا یاسایا بودجێ بجهبینیت و پشكا هه‌رێمێ بهنێریت.
مووچه‌یێ هه‌یڤه‌كێ یێ فه‌رمانبه‌رێن هه‌رێما كوردستانێ پێدڤى ب پترى 900 ملیار دینارانه، ل گۆره‌ى زانیاریان، لیستێن مووچه‌یێ هه‌مى ده‌سته و وه‌زاره‌تان گه‌هشتینه وه‌زاره‌تا دارایی و ل گه‌ل هاتنا پاره‌ى ژ به‌غدا دێ لیستا مووچه‌یێ هه‌یڤا 6 هێته راگه‌هاندن.