په‌یڤدارێ سه‌رۆكایه‌تییا هه‌رێما كوردستانێ دبێژیت : نێچیرڤان بارزانى فه‌رمانا هه‌رێمى بۆ دامه‌زراندنا 45 دادوه‌ران ده‌ركر كو ده‌رچوویێن خۆلا چارێ یا په‌یمانگه‌ها دادوه‌رینه و دماوێ دوو سالاندا ژلایێ زانستى و پراكتیكیڤه بۆ پرۆسه‌یا دادبینییێ هاتنه ئاماده‌كرن.
دلشاد شه‌هاب په‌یڤدارێ سه‌رۆكایه‌تییا هه‌رێما كوردستانێ دراگه‌هاندنه‌كێدا كو سه‌رۆكایه‌تییا هه‌رێما كوردستانێ په‌لاڤكرییه دیاركر، پشتى گه‌هشتنا داخوازا جڤاتا دادوه‌ران بۆ سه‌رۆكایه‌تییا هه‌رێما كوردستانێ ب دامه‌زراندنا وان، دادوه‌ر ژ رۆژا ده‌ركه‌ڤتنا فه‌رمانا هه‌رێمى ب ئیمزایا سه‌رۆكێ هه‌رێما كوردستانێ دێ هێنه دامه‌زراندن، پشتى سویندخوارنا قانوونى دێ ل داموده‌زگه‌هێن دادوه‌رى ل هه‌رێما كوردستانێ ده‌ستبكاربن.
هه‌ر دوى بیاڤیدا، 15 جێگرێن داواكارێ گشتى ل هه‌رێما كوردستانێ دێ ده‌ست ب كاربن، كو پێشترا فه‌رمانا دامه‌زراندنا وان ژلایێ سه‌رۆكێ هه‌رێما كوردستانێڤه هاتییه ئیمزاكرن.
دلشاد شه‌هاب دبیژیت: دامه‌زراندنا داوه‌ران و جێگرێن داواكارێ گشتى وه‌كو پێدڤییه‌ك ل پێش دهێت بۆ پركرنا ڤالاهییان دوان بواراندا و خزمه‌تكرن و ئاسانكاریكرن بۆ وه‌لاتییان دبوارێ دادبینییێدا ب تایه‌تى ل جهێن دوور و ل سنۆرێ وان ده‌ڤه‌رێن ژ نوو تێدا هاتینه دامه‌زراندن وه‌كو پارێزگه‌ها هه‌له‌بجه و ئیداره‌یێن سه‌ربه‌خۆیێن هه‌رێما كوردستانێ