ژ به‌ر بارینا بارانێن بۆش ل كۆریا باشۆر كو له‌هى رابووینه و ئه‌رد هریایه، 22 كه‌سان گیانێ خۆ ژ ده‌ستداینه 18 كه‌سێن دى ژى بێسه‌روشیوینن و ب هزاران وه‌لاتیان ژى مالێن خۆ بجهـ هێلاینه.
بۆ ماوه‌یی 3 رۆژانه ل هنده‌ك ناوچه‌یێن كۆریا باشۆر بارانێن بۆش دبارن و بووینه ئه‌گه‌رێ دورستبوونا له‌هیان و د‌سه‌رداچوونا ئاڤا هژماره‌كا سكرێن ئاڤێ.
وه‌زاره‌تا ناڤخۆیا كۆریا باشۆر راگه‌هاند، ژبه‌ر رابوونا له‌هییان و هریانا ئه‌ردى تا نها 22 كه‌سان گیانێ خۆ ژ ده‌ستدایه، 18 كه‌سێن دى ژى بێسه‌روشوینن.
ل گۆره‌ى ئاژانسێن نوچه‌یان، ل وان ناوچه‌یێن كو پترین زیان ڤێكه‌تینه، هه‌مى مال هاتینه رۆخاندن و ب ده‌هان هزار وه‌لاتیان ژى مال و حالێن خۆ بجهـ هێلاینه و ئاواره‌بووینه.