ئاکرێ نیوز:
گوندێ گیرە ئێک ژ گوندێن دەڤەرا نەهلێ یە ناحیا دینارتێ سەر ب دەڤەرداریا قەزا ئاکرێ ل ڤی گوندی دا جەژن ب شێوەکێ جودا ژ گوندێن دێ ب رێڤە دچیت و جەژنا وان تایبەتمەندیا خۆ هەیە.
ادریس بەشیر ئێک ژ هاولاتیێن گوندێ گیرەیە بۆ ئاکرێ نیوز دا دیارکرن کو ل روژا ئێکێ یا جەژنێ خەلکێ ڤی گوندی هەمی پێکڤە دچنە مزگەفتێ بۆ نڤێژا جەژنێ پشتی نڤێژا جەژنێ دێ خوارنا تێشتێ ل مزگەفتێ خۆن،وەکو نەریتەکێ گوندێ مە هەر مالەک خوارنەکا کوردی گەل خۆ دبەنە مزگەفتێ و هەمی پێکڤە وێرێ خوارنا تێشتێ دخون و دویف دا هەمی پێکڤە زاروک و گەنج و دانعەمر قەستا هەمی مالان دکەن بۆ پیروزکرنا جەژنا ئێک دوو.
گۆت ژی ژ تایبەتمەندیێن دی ل گوندێ مەدا ئەو ژی کرنا جل و بەرگێن کوردی یە،پرانیا خەلکێ گوندی ل جەژنێ دا وەکو داب و نەریتەکێ کەڤن گرنگیێ دەنە جلکێن کوردی تایبەت جلکێن دەڤەرا مە،چونکی جلێن کوردی ناسنامە و کلتورێ مەیە،لەوا ئەم داخوازێ ل هەمی خەلکێ خۆ دکەین گرنگیێ بدەنە جل و بەرگێن کوردی،ژبەرکو جوانیا جلکێ کوردی تامەکا دی دەتە جەژنێ،لەوا ئەم خەلکێ گوندی بۆ پرانیا هەلکەفتان گرنگیێ دەینە جلکێن کوردی.
