سه‌رۆكێ هه‌رێما كوردستانێ سوبه‌هى دێ چیته‌ ئه‌لمانیا

سه‌رۆكێ هه‌رێما كوردستانێ دێ سه‌ره‌دانا ئه‌لمانیا كه‌ت و سوبه‌ رۆژا دوشه‌مبێ دێ ل گه‌ل شیره‌تكارێ ئه‌لمانیا كۆمبیت.
كریستیان هۆفمان په‌یڤدارێ حكومه‌تا ئه‌لمانیا راگه‌هاند؛ سوبه‌هى دێ سه‌رۆك نێچیرڤان بارزانى سه‌ره‌دانا ئه‌لمانیا كه‌ت و هه‌ر سوبه‌ دێ ل گه‌ل ئۆلاف شۆلتز شیره‌تكارێ ئه‌لمانیا كۆمبیت.
هۆفمان د داخۆیانیه‌كێ دا بۆ رۆژنامه‌ڤانان ئاشكرا ژى كر كو "كۆمبوونا سه‌رۆكێ هه‌رێما كوردستانێ ل گه‌ل شیره‌تكارێ ئه‌لمانیا ل ده‌مژمێر 4ى ئێڤارى ب ده‌مێ به‌رلینێ  و (ده‌مژمێر 5ى ئێڤارى ب ده‌مێ كوردستانێ) دێ هێته‌كرن.
دهێته‌ چاڤه‌رێكرن په‌یوه‌ندیێن هه‌رێما كوردستانێ و ئه‌لمانیا، ره‌وشا ئیراقێ و ژماره‌یه‌كا بابه‌تێن جهێ گرنگیپێدانا هه‌ڤپشك د كۆمبوونێ دا بهێنه‌ به‌حسكرن.