وه‌زاره‌تا كاره‌بێ یا حكومه‌تا هه‌رێما كوردستانێ راگه‌هاند: ژ به‌ر كێمبوونا به‌رهه‌مئینانا غازێ به‌رهه‌مئینانا كاره‌بێ كێمبوویه.
د به‌یانه‌كا وه‌زاره‌تا كاره‌بێ به‌رى ده‌مه‌كێ كێم دا هاتیه "ئاگه‌هداریا هه‌ڤپشكێن كاره‌بێ دكه‌ین كو ژ به‌ر ئاریشه‌یه‌كا ته‌كنیكى د پرۆسێسا ڤه‌گوهاستنا غازا شل دا ژ لایێ كۆمپانیا ڤه‌گوهێزه‌ر بۆ ناڤ كۆگه‌هێن وه‌زاره‌تا سامانێن سرۆشتى، ئاستێ غازا شل دناڤ كێلگه‌ها كۆرمۆر دا بلند بوویه و مه‌ترسى ل سه‌ر كێلگه‌هێ دروستكریه".
به‌یانێ ئاشكرا ژى كریه؛ ب نه‌چارى به‌رهه‌مئینانا غازێ 250 ملیۆن مه‌ترێن سێجا كێمبوویه و ژ به‌ر وێ به‌رهه‌مئینانا كاره‌بێ 1800 مێگاواتان كێمبوویه.
دیار ژى كریه كو نوكه دا هه‌مى لایه‌نێن شوله‌ژێ د بزاڤێن چاره‌كرنا ئاریشه‌یێ دانه.