سەرۆک بارزانی: سوتنا قورئانا پیرۆز بریندارکرنا هەست و سۆزێن هەموو موسلمانێن جیهانێ یە

سەرۆک مەسعوود بارزانی ئەڤرۆ پەیامەک دەربارەی سوتنا قورئانا پیرۆز ژ ئالیێ کەسەکێ ب رەگەز ئیراقێ ل سویدێ بەلاڤ کر و ب توندی شەرمزار کر.
سەرۆک مەسعوود بارزانی د پەیاما خۆ دا نڤیسیە " سوتنا قورئانا پیرۆز ب چ رەنگان ناچیتە چارچووڤەیێ ئازادیا رادەربرینێ و چ بەهانەیان هەلناگریت. ئەڤە بریندارکرنا هەست و سۆزێن هەموو موسلمانێن جیهانێ یە و ب توندی شەرمزار دکەین".
هەروەسا نڤیسیە "ئەڤ جورە کردارە دژی گیانێ تەبایی و پێکڤەژیانێ یە و خزمەتا گۆتارا تاریێ و بەلاڤکرنا کەرب و کینێ دکەت و پێدڤیە هەموو ئالی رێگریێ لێ بکەن".