ئاکرێ نیوز:
ئەڤرۆ(شەعبان خلیل)دەڤەردارێ ئاکرێ دگەل لایەنێن پەیوەندیدارێن سنورێ قەزا ئاکرێ رێڤەبەرێن ناحیا دینارتە، بجیل، گردەسێن، ئاسایش، ئەوقاف، سەروکێ باژێرڤانیێ، بەرپرسێ زالگەهان و ڤێتێرنەری و نوینەرێ رێڤەبەرێ پولیسا، نوینەرێ ساخلەمیێ، بەرپرسێ پۆلیسێن زێدەگاڤی کومبوونەک ل دور چاوانیا بەهنگاربوونا نەخۆشیا تایا خوین بەربوونێ ئەنجامدا.
دکومبونێ دا ب تێر وتەسەل بەحسی ئەڤێ نەخوشیێ ومەترسیێن وێ و رێکێن خوپاراستنێ هاتنە کرن و ل پێناڤ بەرهنگاربوون وکونترولکرنا ڤێ نەخوشیێ و پاراستنا ساخلەمیا هاولاتیان پێدڤیە هەمی ئالیێن پەیوەندار ب جدی کاربکەن بۆ رێگریکرن ل ئەڤێ نەخوشیێ و ئەو رێنمایێن تایبەت ب هوشیاركرنا هاوەلاتیان وجهێن فروتنا ئاژەلان وگوشت فروشیا بهێنە دیارکرن وجێبەجێکرن تایبەت ل ڤان روژا ژبەر هاتنا جەژنا قوربانیێ کو رێژەکا زورا ئاژەلا دێ هێنە سەرژێکرن و هەر جهەکێ پێگیرێ ب رێنمایان نەکەت دێ سزایێن توند دگەل هێنە وەرگرتن ژلایێ لایەنێن پەیوەندیدار.
بریار و رێنمایێن دەڤەرداریا ئاکرێ بۆ خۆپاراستن و رێگریکرن ل نەخوشیا تایا خوین بەربوونێ..
1.سەربرینا ئاژەلان ل مالان ب هەمی شێوەیەکی قەدەغەیە .
2. پێدڤیە قەساب کەل و پەلێن خۆپاراستنێ ب کاربینن.
3. پشتی سەربرینا ئاژەلا پێدڤیە ئەو جێھ بهێنە پاکژکرن.
4. پێدڤیە گۆشت ب باشی بهێتە کەلاندن.
5. ئەو ئاژەلێ دهێتە سەرژێکرن پێدڤیە چ نەخوشی لێ نەبن و یێ ساخلەم بیت.
6. دڤێت گۆشتێ قوربانیێ ب دروستی بهێتە پاکژکرن و بەلاڤکرن.
7. راستەۆخۆ گوشتێ قوربانیێ ب کار نەهێنە هەتا ماوێ 24 دەم ژمێرا.
8. هەر کەسێ گومان ب گوشتێ کری یان یێ قوربانیێ هەبیت راستەۆخو جهێن پەیوەندار ئاگەهدار بکەن .
9. بەردەوام چاڤدێریکرنا مەیدانا ئاژەلان و رەوشا ساخلەمیا ئاژەلان بهێتەکرن وئەو ئاژەلێن نەساخ بهێنە جوداکرن.
10. هەماهەنگی هەبیت دگەل هەمی ئالیێن پەیوەندار.
11. ئاموژگاری ورێنمایێن خو پاراستنێ بۆ خودان ئاژەلان بهێنە دیارکرن.
12. پێدڤیە هەمی گوشت فروش پێگیربن ب مەرجێن ساخلەمی و ڤێتێرنەریێ بن.
13. ئەو ئاژەلێ ل جهێن فەرمی دهێتە سەربرین پێدڤیە دەستوریا سەر برینێ هەبیت.
14. دڤێت هولێن ئاژەلان ب دەرمانێن تایبەت بهێنە رەشاندن وتافیلکرن.
داخازێ ژ خەلکێ خودکەین پێگیریێ ب رێنمایێن خو پاراستنێ بکەن وهەر گومانەک هەبیت زویترین دەم ئالیێن پەیوەندار ئاگەهدار بکەن.