سه‌رۆكوه‌زیرێ هه‌رێما كوردستانێ ل به‌ره‌یێ پردێ راگه‌هاند، وى به‌ره‌یى نه‌هێلا قه‌واره‌یێ هه‌رێما كوردستانێ بهێته تێكدان و راگه‌هاند، ئه‌و پابه‌ندى ده‌ستوورێ ئیراقێ نه و دڤێت ب رێكا ده‌ستوورى مادده‌یا 140 بهێته بجهئینان و داكۆكى ژى ل سه‌ر مافێن ده‌ستوورى یێن هه‌رێمێ كر.
ئه‌ڤرۆ ئه‌ینیێ 30-6-2023یێ د رۆژا سێ یێ یا جه‌ژنا قوربانى دا مه‌سروور بازرانى، سه‌رۆكێ حكومه‌تا هه‌رێما كوردستانێ ب مه‌ره‌ما پیرۆزكرنا جه‌ژنێ سه‌را به‌ره‌یێ پردێ دا و راگه‌هاند، وى به‌ره‌یى نه‌هێلا قه‌واره‌یێ هه‌رێما كوردستانێ بهێته تێكدان و راگه‌هاند، ئه‌و پابه‌ندى ده‌ستوورێ ئیراقێ نه و دڤێت ب رێكا ده‌ستوورى مادده‌یا 140 بهێته بجهئینان.
سه‌رۆكوه‌زیرى پیرۆزباهیا جه‌ژنێ ل پێشمه‌رگه‌یان كر و دیاركر، ل ژێر سایا زه‌حمه‌ت، خه‌بات و ماندیبوونا پێشمه‌رگه‌یان خه‌لك ل مالێن خۆ جه‌ژنێ ب ئارامى د گێڕن و پێشمه‌رگه‌یان سه‌نگه‌ر و كوردستان پاراستینه، بۆ وێ یه‌كێ خه‌لك بشێن ب ئارامى و خۆشى جه‌ژنێ بگێڕن.
د پشكه‌كا دى یا گۆتارا خۆ دا مه‌سروور بارزانى گۆت: به‌ره‌یێ پردێ به‌ره‌یه‌كێ گرنگه و پشتى خیانه‌تا 16ى ئكتۆبه‌رێ رێگرى ل وێ پلانا پیس كر و نه‌هێلا قه‌واره‌یێ هه‌رێمێ بهێته تێكدان كو پلانا وێ ژ ئالیێ نه‌حه‌زێن هه‌رێما كوردستانێ ڤه هاتبوونه دارشتن.
ده‌رباره‌یى بجهئینانا مادده‌یا 140 یا ده‌ستوورێ ئیراقی ژى سه‌رۆكوه‌زیرى گۆت: ئه‌و دێ هه‌موو بزاڤان كه‌ن مادده‌یێ 140 وه‌ك خۆ بهێته بجهئینان و هنده‌ك ئالى هه‌نه نه‌پابه‌ندن ب رێككه‌فتنێ زێده‌بارى ڤێ یه‌كێ ژى تا دوماهى قۆناغ ئه‌و دێ بزاڤان كه‌ن هه‌ر تشت ب ئاشتیانه بهێته چاره‌كرن، ئه‌گه‌ر ته‌عده ژى بهێته‌كرن تا دوماهى هه‌ناسه دێ به‌رگریێ ژ ئاخ و نشتیمانى و كه‌رامه‌تا ڤى ملله‌تى كه‌ین.
ده‌رباره‌یى رێككه‌فتنا سیاسى د ناڤبه‌را هه‌ولێر و به‌غدایێ ژ دا مه‌سروور بازرانى گۆت: هه‌رده‌م پابه‌ندى ده‌ستوورى و رێككه‌فتنا ئاشتیانه‌ینه ل گه‌ل حكومه‌تا فیدرال و هه‌ڤده‌م داكۆكیێ ل سه‌ر مافێن ده‌ستوورى یێن خۆ دكه‌ین و ب هه‌موو شێوه‌یه‌كى دێ پارێزین.
سه‌رۆكوه‌زیر دبێژیت: راسته بنپێكاریا مافێن هه‌رێمێ هاتیه‌كرن، پێش چه‌نده‌كێ ژى سته‌م ل جۆتیاران ژى هاتكرن و ل سه‌ر زه‌ڤیێن وان هاتینه ده‌رخستن و خه‌لكه‌كێ دى دهێته‌دیتن، لێ ئه‌و كه‌سه ژ هنده‌ك جهێن دى هاتینه و جهگری وان ژى جۆتیارێن كورد و توركمانن و خه‌لكێ ره‌سه‌نێ ناوچێ نه.
هه‌روه‌سا دیاركریه، ل ده‌ما رێگریكرنێ ل جۆتیاران وى په‌یوه‌ندى ب سه‌رۆكوه‌زیر، محه‌مه‌د شیاع سوودانى كریه و ئه‌و بنپێكاریه ب گهۆرینا دیمۆگرافى ناڤكریه و دیاركر، نابیت سه‌رۆكوه‌زیره‌ك ب كه‌ڤیته به‌ره‌یه‌كى و دڤێت وه‌ك سه‌رۆكوه‌زیرێن هه‌موو ئالیه‌كى سه‌ره‌ده‌ریێ بكه‌ت و ڤێ سته‌مێ قه‌بوول نه‌كه‌ت، وه‌ك مه‌سروور بارزانى ئه‌ڤ یه‌ك گۆتى كو سوودانى ژى به‌رسڤا وى دایه و گۆتیه دێ بابه‌تى چاره كه‌ن.
