باسم عەوادی، پەیڤدارێ فەرمییێ حکومەتا عیراقێ د ڕاگەهاندنەكێدا هەلویستێ حكومەتا عیراقێ ل دۆر سۆتنا قورئانێ ژ لایێ دوو پەنابەرێن عیراقی ل سوید شەرمزاركر و دیاركر، ئەڤ كارە هەستێ ملیۆنان موسلمانان ئازار دایە و ئەڤی كاری چ پەیوەندی ب ئازادییا ڕادەربرینێ ڤە نینە، بەلکو هاندانە بۆ زێدەتر بەلاڤكرنا توندوتیژییێ.
هەروەسا حكومەتا عیراقێ داخواز ژ حكومەتان كر كو ئەڤی گرۆپێ توندڕەو ژ ئەڤان كارێن خراب ڕابگرن.
د هەمان دەمدا عەلی محیەددین قەرەداغی، ئەمیندارێ گشتییێ ئێكەتییا جیھانی یا زانایێن موسلمان، سۆتنا قورئانا پیرۆز ل نێزیك باژێڕێ ستۆکھۆلم پایتەختێ سوید شەرمزاركر.
دهێته زانین كو دوو وه‌لاتییان ئێك ژوان په‌نابه‌ره‌كێ عیراقی یه و یێ دی په‌نابه‌ره‌كێ ئه‌فریقییه ل ڕۆژا ئێكێ یا جه‌ژنێ ب كریارا سۆتنا قورئانا پیرۆز ل وه‌لاتێ سویدێ ل هه‌مبه‌ر مزگه‌فتا ستوكهۆلم ڕابوون، و ئه‌ڤێ كریارێ پێله‌كا مه‌زن یا نه‌رازیبونێ ژلایێ وه‌لاتێن موسلمانان په‌یداكر