بتنێ د دو حه‌فتێن بوورى دا ل مه‌كسیكێ ژبه‌ر گه‌رمێ 100 كه‌سان ژیانا خۆ ژ ده‌ست دایه، ساخله‌می ژى هۆشداریێ ژ هشكبوونا له‌شى دده‌ت.
ئادارا ئه‌ڤساله نه‌ته‌وه‌یێن ئێكگرتى هۆشدارى ژ بلندبوونا پله‌یێن گه‌رمێ تا سالا 2027ێ دابوون و راگه‌هاندبوو، د ڤان سالان دا دێ گه‌رمترین پله‌یێن گه‌رمێ هێنه تۆماركرن.
وه‌زاره‌تا ساخله‌میا مه‌كسیكێ راگه‌هاند، بتنێ د دو حه‌فتیێن ڤێ مه‌هێ دا 100 كه‌سان ژ به‌ر گه‌رمێ ژیانا خۆ ژ ده‌ستداینه و زێده‌تر ژ هزار كه‌سان ژى ل نه‌خۆشخانه‌یان هاتینه نڤاندن.
هه‌روه‌سا ئاشكراكر، ل پشكه‌ك ژ وه‌لاتێ مه‌كسیكێ پله‌یێن گه‌رمێ گه‌هشتبوونه 50 پله‌یێن سیلیزى و ببوو ئه‌گه‌ر خه‌له‌كه‌كێ زێده ل نه‌خۆشخانه‌یان بنڤیت.
وه‌زاره‌تا ساخله‌میێ هۆشدارى ژى ژ هشكبوونا له‌شێ مرۆڤان دان و دیاركر، باشتره خۆ ب پارێزن و ئاڤێ ل گۆره‌یى ستاندارێن جیهانى یێن گه‌رمێ ڤه‌خۆن.