ڕاهێنەرێ یانەیا دهۆكێ راگەهاند، ئەڤرۆ یانا مە یا بەرهەڤە بۆ دیدارا ئێكێ بەرامبەر یانەیا قادسیە یا كوێتی د فینالا كوپا یانەیێن كەنداڤیدا.
مەسعود میرال ڕاهێنەرێ یانەیا دهۆك د پرێسكونفرانسەکێ دا دیاركر، یاریكەرێن وان د بەرهەڤن، یانا کوێتێ کۆ هەڤركا وانە یاریكەرێن باش هەنە و دەستەیا وێ یا ڕاهێنەریێ ل ئاستەكێ بلندە، دڤێت سنۆرەك بۆ مەترسیا وان بهێتە دانان و پلانەكا باش بۆ ڤێ چەندێ هەبیت.
ئاشکرا کر، مە باوەری ب یاریكەرێن خۆ هەیە كو دێ شێن ئەنجامەكێ باش تۆماركەن، مە دڤێت سەركەفتنێ بینن و خۆ نێزیكی ناسناڤی بكەن، ئەڤ ناسناڤە بۆ جەماوەری وەكو خەونەكێیە، وان دڤێت بكەنە ڕاستی.