غیاس خالد زێباری
هەتا پشتی سەرهەلدانا پیرۆزا ساڵا ١٩٩١ دەنگێ خەلکێ کوردستانێ یێ رزگاری و ئازدیخوازیێ زۆر کێم دگەهشتە بنگەهــ و سەنتەرێن سیاسی و دبلۆماسی یێ جیهانێ، ب تایبەت ئەورۆپا، لێ نهۆ ئاستێ پەیوەندیێن دبلۆماسیێن هەرێما کوردستانێ ل گەهاندنا دەنگ و داخازیێن خوە بوو فاکتەرەک بۆ چارەسەرکرنا پرسێن هەرێمایەتی، فەرەنسا وەکی سەرکێشا وەڵاتێن ئەورۆپی و ئێک ژ مەزنترین وەڵاتێن جیهانێ د گەل هەرێما کوردستانێ د پەیوەندیێن زۆر بهێز دانە و بۆ پاشەرۆژا رەوشا رۆژهەڵاتا ناڤین پرس ب هەرێما کوردستانێ دهێتە کرن .
پێشوازیا گەرم و فەرمیا سەرۆکێ فەرەنسا ئیمانۆئێل ماکرۆن ل سەرۆک نێچیرڤان بارزانی سەرۆکێ هەرێما کوردستانێ چەندین جارا مینا ل ١٠/٧/٢٠١٩
٣٠/٣/٢٠٢١ و ٣/١١/٢٠٢٣ نیشانێن موکۆمیا پەیوەندیێن دوو قولیێن هەردوو ئالیان و پێگەهێ مەزنێ هەرێما کوردستانێ، ڤان پەیوەندیان خزمەتەکا زۆرا پرسا سیاسی یا کوردستانێ کریە و نیشانێ دووربینی و لێزانینا سەرکردێن کوردە ب تایبەت سەرۆک مەسعود بارزانی و سەرۆک نێچیرڤان بارزانی سەرۆکێ هەرێما کوردستانێ و سەرۆکێ حوکمەتا هەرێمێ مەسرۆر بارزانی، کۆ گەهشتیە سەرەدانا سەرۆکێن فەرەنسا فرانسوا ئۆلاند و ماکرۆنی بۆ کوردستانێ .
سەرەدانا سەرۆک نێچیرڤان بۆ وەڵاتێ فەرەنسا ل رۆژا ١٤/٤/٢٠٢٥ و وێ پێشوازیا گەرم و فەرمی ژلایێ سەرۆکێ فەرەنسا پشتی سەرەدانا ئیمارات و تورکیا دهێت کۆ کۆمبوونێن گرنگ دگەل سەرۆک و بەرپرسێن بلندێن وان وەڵاتا دهێت، سەرەدانا ڤێ جارێ یا سەرۆک نێچیرڤانی ل دەمەکێ تایبەت و جودا دایە ل سەرەدانێن بەری، چونکی دەڤەر د رەوشەکا تایبەت و بەرەڤ گۆڕینێن مەزن دایە، ژ وان گۆهڕینا پرۆسا ئاشتیێ ل تورکیا و سووریایا نوو و پەیوەندێن ئەمریکا و ئیران و هەرێما کوردستانێ و بەغداو رۆژ ئاڤایێ کوردستانێ، وەرگرتن و زانینا دید و بۆچوونێن هەرێما کوردستانێ و سەرۆک نێچیرڤان بارزانی ل سەر ڤان پرسا و چەند پرسێن دیتر و وێ پێشوازیا مینا سەرۆک دەولەتا ب ئاڵایێ کوردستانێ، دیار دکەن کو پرسا کوردی و پەیوەندێن وێ یێن سیاسی و دبلۆماسی گەهشتینە ئاستەکێ بلند و سەرۆک نێچیرڤان بارزانی پێشەنگی و نوونەرایەتا ڤان پەیوەندیان دکەت کو دەستکەفتێن مەزنن، چونکی د وی شێوازێ پێشوازیا سەرۆک ماکرۆنی ل سەرۆک نێچیرڤان بارزانی و گرنژینا وی دیار دبیت کۆ پەیوەندیێن هەردوو ئالیان ژ بلی سیاسی گەهشتینە ئاستێ دۆستایەتیێ و سەرۆک نێچیرڤان بارزانی کاریزمایەکێ مەزنە و ئەکتەرەکێ کاریگەرە بۆ چارەسەرکرنا چەندین پرس و ئارامی و سەقامگیریا دەرڤەرێ، ئەڤ گرنگیا وەڵاتێن زلهێزێن جیهانێ و دەڤەرێ ب سەرۆک نێچیرڤان بارزانی و هەرێما کوردستانێ ب گشتی ددەن جهێ دلخۆشی و شانازیەکا مەزنن بۆ هەر کوردەکی ل سەرانسەرێ کوردستانێ و وەکی ئامادەکاریێن کوردستانێ بۆ گۆهڕین و پێشهاتێن ئیراقێ و رۆژهەڵاتا ناڤین دهێنە دیتن و پەیامێن زێدەتر ناساندنا دۆزا کوردینە ب جیهانێ .