مەسروور بارزانی، سەرۆکێ حکومەتا هەرێما کوردستانێ و مارکۆ رۆبیۆ، وەزیرێ دەرڤە یێ ئەمریکا ب رێکا تێلەفۆنێ ژمارەکا بابەتێن گرنگ یێن دەڤەرێ و پەترۆلا هەرێمێ بەحسکرن.
مەسروور بارزانی نڤیسیە "ئەڤرۆ ب رێکا تێلەفۆنێ ل گەل مارکۆ رۆبیۆ، وەزیرێ دەرڤە یێ ئەمریکا ئاخفتم و مە دویماهی پێشهاتێن دەڤەرێ و بهێزکرنا پەیوەندیێن دوقولی بەحسکرن".
هەروەسا نڤیسیە "هەڤرابووین ل سەر گرنگیا بهێزکرن و خورتکرنا دۆستایەتی و هەڤپەیمانیا د ناڤبەرا هەرێما کوردستانێ و ئەمریکا دا".
نڤیسیە ژی "هەڤرابووین ل سەر گرنگیا دەستپێکرنا هنارتنا پەترۆلا هەرێما کوردستانێ ب رێکا بەندەرێ جەیهان یێ تورکیا".
"وەزیرێ دەرڤە یێ ئەمریکا سوپاسیا هەرێما کوردستانێ کر کو بوویە پەناگەهەکا ئارام بۆ پاراستنا هەمی پێکهاتەیێن نەتەوەیی و ئاینی و رۆلەکێ گرنگ ژی د پاراستنا سەقامگیری و ئاسایشا دەڤەرێ دا هەیە".
سەرۆکێ حکومەتا هەرێمێ دیارژیکر "رێککەفتین ل سەر وێ یەکێ کو د پەیوەندیێن هەماهەنگیا بەردەوام دابین ژ پێخەمەت پاراستنا بەرژەوەندیێن هەڤپشک".