وەزارەتا دارایی و ئابوورییا هەرێما كوردستانێ، ڕاگەهاند لیستا مووچەیێ هەیڤا چار، ڕادەستێ حكوومەتا فیدراڵ هاتە كرن.
وەزارەتا دارایی و ئابووری ڕاگەهاند: ئەڤڕۆ سێشەمبی 22/4/2025، لیستا مووچەیێ هەیڤا نیسانێ یا فەرمانبەران و مووچەخۆرێن هەرێما کوردستانێ ژلایێ تیما تەکنیکیی یا وەزارەتا دارایی و ئابوورییا هەرێما کوردستانێ ڕادەستێ فەرمانگەها ژمێریاریی یا وەزارەتا داراییا حکوومەتا فیدراڵ هاتە کرن.
وەزارەتا دارایی بڵاڤکر: ئەڤە د دەمەکێدایە کۆ ڕۆژا ئێکشەمبی 20/4/2025، ڕاپۆرتا تەرازوویا پێداچوونا هەیڤا ئادارێ (میزان المراجعة) و ڕاپۆرتا دوماهیکێ یا ساڵا ٢٠٢٤ (الحسابات الختامیة) ژلایێ رێڤەبەراتیا گشتیی یا ژمێرکارییا وەزارەتا دارایی و ئابووری بۆ فەرمانگەها ژمێریارییا وەزارەتا داراییا حکوومەتا فیدراڵ هاتیە هنارتن.