نێچیرڤان بارزانی سه‌رۆكێ هه‌رێما كوردستانێ په‌یامه‌كا سه‌ره‌خۆشییێ به‌لاڤكر و ڕاگه‌هاند، ده‌نگۆیێ وه‌غه‌ركرنا سومبۆلا ئاشتییێ، دادپه‌روه‌ریێ و لێكنێزیكبوونا ئایینان پاپا فره‌نسیس گه‌هشته مه.
سه‌رۆكێ هه‌رێما كوردستانێ سه‌ره‌خۆشى ل جیهانا مه‌سیحی و هه‌موو مرۆڤایه‌تییێ كر و دیاركر، پاپایێ ڤاتیكانێ ژیانا خۆ بۆ خزمه‌تكرنا مرۆڤى، به‌لاڤكرنا خوشتڤیاتی و پێكڤه‌ژیانێ ته‌رخانكربوو، میراتێ مرۆڤى و ڕۆحییا پاپا فره‌نسیس بلند نرخاند و ژ خودایێ مه‌زن خواست گیانێ خودێ ژێ ڕازى ب به‌هه‌شتا به‌رین شاد بیت.
نێچیرڤان بارزانی سه‌رۆكێ هه‌رێما كوردستانێ گۆت: سه‌ره‌دانا پاپایێ ڤاتیكانێ بۆ هه‌رێما كوردستانێ ل 2021، هه‌رده‌م جهێ زیندى و شانازییێیه بۆ مه.