ل سه‌ر فه‌رمانا سه‌رۆك بارزانى هه‌موو تیمێن به‌ره‌ڤانییا باژێڕى، تیمێن فڕۆكڤانى و فریاگۆزارى دێ پشكداریێ د لێگه‌ڕیانا ته‌رمێ ئاڤێستایێ دا كه‌ن.
عەقید ابراهیم فەریق، رێڤه‌به‌رێ به‌رگرییا شارستانى یا ئاکرێ راگه‌هاند، ئه‌ڤرۆ ئه‌ینیێ ل ده‌مژمێر 6ى سپێدێ تیمێن وان و تیمه‌كێ نقۆمڤانان پشكدارى د لێگه‌ڕیانا ته‌رمێ ئاڤێستایێ دا كریه.
ل 5-4-2025ێ ل سنۆرێ ده‌ڤه‌ردارییا مێرگه‌سۆ كچ و كوڕێن سه‌ید یوسف بۆ وێنه‌گرتنی د چنه سه‌ر لێڤێن رۆبارێ زێیێ مه‌زن، كوڕ د كه‌ڤیته د ئاڤێ دا و كچ ژى بزاڤا رزگاركرنێ دده‌ت، پشتى برایێ خۆ رزگاركرى ئاڤێستایا 27 سال د كه‌ڤیته د ناڤا زێ مه‌زن دا و تا نوكه ژى بێ سه‌روشوونه و وه‌لاتیێن ده‌ڤه‌رێ ژى ب به‌رده‌وامى ل ته‌رمێ وێ د گه‌ڕن.