ریڤه‌به‌ریا ئاسایشا پارێزگه‌ها دهۆك راگه‌هاند، پشتى زانیاری گه‌هشتینه وان ب هه‌ڤپشكى دگه‌ل ئالیێن په‌یوه‌ندیدار ده‌رمانخانه‌یه‌ك كو ده‌رمانێن نه ده‌ستووردارى و قه‌چاخ تێڤه‌بوون هاته دائێخستن.
ل گۆره‌ى راگه‌هاندنا رێڤه‌به‌ریا ئاسایشا پارێزگه‌ها دهۆكێ، پشتى زانیارى و دویڤچوونێن هویر، وان ده‌ست بسه‌ر چه‌ندین ده‌رمانێن قه‌چاخ و نه ده‌ستویرداى ل ئێك ژ ده‌رمانخانه‌یێن پارێزگه‌ها دهۆكێ دا گرت. كو ل وێرێ دهاتنه كۆگه‌هكرن ب مه‌ره‌ما فرۆتنێ.
دا زانین ژى، ئه‌و ده‌رمانخانه ژلایێ تیمێن هه‌ڤپشكڤه كو ژ ئاسایشا پارێزگه‌هێ كو ژ لژنه‌یا چاڤدێریا بازاڕى و سه‌ندیكا ده‌رمانسازێن كوردستانێ پێك دهاتن هاته پشكنین و دیاربوو، ده‌رمانێن نه‌ده‌ستویرداى و قه‌چاخ تێڤه‌نه.
هه‌روه‌سا وێ ده‌رماخانه‌یێ كۆگه‌هه‌كا نه‌فه‌رمى و ڤه‌شارتى هه‌بوویه كو ده‌رمانێن نه‌ده‌ستوورداى و قه‌چاخ تێدا دهه‌لگرتن بۆ فۆتنێ. له‌ورا ئێكسه‌ر ئه‌و ده‌رمانخانه هاته دائێخستن و به‌رپه‌رێن ڤه‌كۆلینێ بۆ هاتینه ڤه‌كرن