په‌ڕله‌مانێ ئیراقێ د كۆمبوونا ئه‌ڤرۆ دوشه‌مبێ دا، ب پڕانیا ده‌نگان، پرۆژه یاسایا پارێزگه‌هبوونا حه‌له‌بچه په‌سه‌ندكر و حه‌له‌بچه بوو پارێزگه‌ها 19ێ یا ئیراقێ.
د بڕ‌گه‌یا ئێكێ یا كارنامه‌یا ئه‌ڤرۆ یا په‌ڕله‌مانێ ئیراقێ دا، پرۆژه یاسایا پارێزگه‌هبوونا حه‌له‌بچه بوو، ب پڕانیا ده‌نگێن په‌ڕله‌مانتارێن ئیراقێ ده‌نگ ب پارێزگه‌هبوونا حه‌له‌بچه هاته دان.
روینشتنا په‌ڕله‌مانێ ئیراقێ ب ئاماده‌بوونا 178 په‌رله‌مانتاران هاته كرن، په‌ڕله‌مانتارێن كورد پیرۆزباهیا خه‌لكێ حه‌له‌بچه و هه‌رێما كوردستانێ كرن، كو ئێدى حه‌له‌بچه پارێزگه‌ها 19ێ یا ئیراقێ و پارێزگه‌ها 4ێ یا هه‌رێما كوردستانێ یه.