ژمارا ملیاردێرێن جیهانێ گەهشتە 3028 كەسان



 
گۆڤارا فۆربس نووترین لیستا ملیاردێرێن جیهانێ بەلاڤكر و ئاشكەراكر، ئەڤسالە بەراورد ب سالا بووری، 247 ملیاردێرێن نوو زێدەبووینە و ژمارا ملیاردێران گەهشتە 3028 کەسان.
 
سامانێ هەرئێك ژ وان ملیاردێران ل دووڤ ڕاپۆرتا فۆربس، 5.3 ملیار دۆلارە کو 200 ملیۆن دۆلار بۆ هەر ملیاردێرەکی زێدەبووینە و سامانێ سێ ژوان ژ 200 ملیار دۆلاران زێدەترە و 15 ملیاردێر ژی هەنە سامانێ هەرئێك ژوان زێدەتری 100 ملیار دۆلارایە.
 
دەولەمەندترین كەسێ جیهانێ دنوكەدا ئیلۆن مەسکە کو سامانێ وی 342 ملیار دۆلارن.
مارک زۆکەربێرگ، بۆ دووەم دەولەمەندێ جیهانێ و سامانێ وی بۆ 216 ملیار دۆلاران بلندبوو.
جێف بیزوس، دامەزرێنەرێ کۆمپانییا ئەمازۆن ب 215 ملیار دۆلاران، وەك سێیەم دەولەمەندێ جیهانێ ناڤێ وی د لیستێدا هاتیە.
لاپەرێ دیڤدا لاپەرێ بەرێ