حكومه‌تا هه‌رێما كوردستانێ رادگه‌هینیت، بێى چ پاره‌یه‌ك ژێ بهیته بڕین حكومه‌تا ئیراقێ مووچه‌یێ مه‌ها دو ره‌وانه‌كریه.
وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاند، پشتى دو كۆمبوونێن تژى و پۆخت یێن تیمێن ته‌كنیكى یێن وه‌زاره‌تا دارایى یا حكومه‌تا فیدرال و وه‌زاره‌تا دارایى یا هه‌رێمێ بۆ چاره‌كرن و به‌رسڤدانێ 957 ملیار و 925 ملیۆن و 880 هزار دینار وه‌ك ته‌موویلا مووچه‌یێ فه‌رمانبه‌ران بۆ مه‌ها دو خسته سه‌ر هه‌ژمارا بانكى یا حكومه‌تا هه‌رێمێ و بێى چ لێبڕین هاتییه خه‌رجكرن.
هه‌روه‌سا دیاركریه، تیمه‌كێ ته‌كنیكى یێ وه‌زاره‌تا دارایى یا هه‌رێما كوردستانێ سوپاسییا تیمێ وه‌زاره‌تا دارایى یا ئیراقێ دكه‌ت كو ب درێژاهییا دو حه‌فتیێن بۆرى هه‌ڤكار و هه‌ماهه‌نگ بووین و وه‌ك ئێك تیم كار كرین بۆ ته‌مامكرنا هه‌مى رێكارێن هویربینیێ د لیستا مووچه‌یى و هنارتنا ته‌مویلا مووچه‌یێ فه‌رمانبه‌رێنن هه‌رێما كوردستانێ.
هه‌روه‌سا دیاركر ژى ل نێزیكترین ده‌م داهاتێ نه نه‌فتى یێ هه‌رێما كوردستانێ دێ بۆ حكومه‌تا ئیراقێ هێته ره‌وانه‌كرن.
سوبه‌هى دێ ده‌ست ب به‌لاڤكرنا مووچه‌یان هێته‌كرن و د چه‌ند رۆژه‌كان دا مووچه دێ هێته به‌لاڤكرن.
هه‌روه‌سا ئاشكراكر، وه‌زاره‌تا دارایى یا هه‌رێمێ ل گه‌ل هه‌مى وه‌زاره‌تان و سازیێن دى یێن حكومه‌تێ ل سه‌ر خه‌ته بۆ وێ یه‌كێ داهاتێ ناڤخۆ راده‌ست بكه‌ت