په‌یاما مه‌سروور بارزانى د یادا سه‌رهلدانێ دا

مه‌سروور بارزانى، سه‌رۆكێ حكومه‌تا هه‌رێما كوردستانێ راگه‌هاند، ل ژێر چ فشار و گه‌فان دا ئه‌و ده‌ستبه‌ردارى مافێن ره‌وا یین گه‌لێ كورد نابن.
ئه‌ڤرۆ چارشه‌مبێ 5-3-2025 مه‌سروور بارزانى سه‌رۆكێ حكومه‌تا هه‌رێما كوردستانی په‌یامه‌ك ب هه‌لكه‌فتا 34 سالییا سه‌رهلدانا گه‌لێ كوردستانێ به‌لاڤكر و پیرۆزباهى ل هه‌موو كوردستاانییان ب تایبت پێشمه‌رگێن قاره‌مان و بنه‌مالێن سه‌ربلندێن شه‌هیدان كر.

مه‌سروور بارزانى، سه‌رۆكێ حكومه‌تا هه‌رێما كوردستانێ دبێژیت: ئه‌ڤرۆ د ڤێ یادا مه‌زن دا ل هه‌موو ده‌مه‌كى زێده‌تر مه‌ پێدڤى ب ئێكرێزى و هه‌ڤهه‌لویستیێ ل سه‌ر بنامیێ داكۆكیكرن ژ قه‌واریێ ده‌ستوورى و سازیێن یاسایى و شه‌رعى یێن هه‌رێما كوردستانێ و وان ده‌ستكه‌فتان هه‌یه‌ یێن بووینه‌ ئه‌گه‌ر خه‌بات و قوربانیدان و گیانفیداییا پێشمه‌رگێ قاره‌مان و خوینا گه‌شا شه‌هدیانێن سه‌ربند ب ده‌ستڤه‌هاتى كو مه‌حاله‌ خه‌لێ كوردستانێ ل ژێر چ فشاران و گه‌فان ده‌ستبه‌ردارى مافێن ره‌وایێن خۆ بیت.

ب گۆتنا سه‌رۆكوه‌زیر ئێك ژ سه‌روه‌ریێن مه‌زن یێن گه‌لێ كوردستانێ كو هه‌رده‌م جهێ شانازیێ بوون سه‌رهلدانا سه‌رتاسه‌رى یا گه‌لێ كوردستانێ و هه‌موو پێكهاتێن وێ یه‌ كو تێدا پشكداربوون و ژ ئه‌نجامێ ئێكرێزى و ئێكگرتنا گه‌لێ كوردستانێ و هێز و ئالیێن كوردستان شیان هه‌رێما كوردستانێ ژ سه‌م و داگێركاریی ئازاد بكه‌ن.