شەڤێدی یاریی دناڤبەرا یانەیا وەرزشیی یا دهۆكێ و یانەیا وەرزشی یا ئیتیفاق یا سعوودی ل یاریگەها نێڤدەولەتی یا دهۆكێ بڕێڤەچوو، كۆ تێدا، یانەیا دهۆكێ دناڤ یاریگەهـ و پشتەڤانێن خۆ سەركەفتنەکا گرنگی تۆمار كر و گەهشتە یاریی یا دوماهیکێ یا جاما یانەیێن کەنداڤ.
ب هەلکەفتا سەركەفتنا یانەیا دهۆكێ بسەر یانەیا ئیتیفاق یا سعوودی و گەهشتن ب یاریا دوماهیکێ یا جاما یانەیێن كەنداڤ، مەسرور بارزانی، سەرۆكێ حكوومەتا هەرێما كوردستانێ ل پەیجێ خۆ یێ تایبەت ل تۆڕا جڤاکی یا (ئێكس) پەیامەکا پیرۆزباهیێ بڵاڤکر و نڤیسیە: "پیرۆزباهییەکا گەرم ل یانەیا وەرزشیی یا دهۆكێ دكەم، كۆ گەهشتە یارییا دوماهیکێ ژ جاما یانەیێن كەنداڤ."
هەروەسا نڤیسیە: "دەستخۆشیێ ل سەرۆك و هەمی وەرزشڤانان و پشتەڤانێن یانەیا وەرزشی یا دهۆكێ دكەم و هیڤیا سەركەفتنێ و پێشكەفتنا زێدەتر بۆ دخوازم."