سه‌رۆك نێچیرڤان بارزانى رادگه‌هینینت، سه‌رهلدان وه‌ستگه‌ها دیرۆكى و چاره‌نڤیسساز و خواستا پۆلایى یا كوردستانییان بوو و بۆ به‌رهنگاربووونا دكتاتۆرییه‌ت و سته‌مكاریێ دا سه‌رهلدان هاته‌كرن.
سه‌رۆك نێچیرڤان بارزانى راگه‌هاند، ئه‌ڤرۆ ب رێز ڤه یادا 34 سالییا سه‌رهلدانا ئادارا 1991ێ دكه‌ین، ب ڤێ هه‌لكه‌فتێ پیرۆزباهى ل خێزان و كه‌سوركارێن سه‌ربلندێن شه‌هیدان و پێشمه‌رگه و ته‌ماما گه‌لێ كوردستانێ ب هه‌موو پێكهات ڤه كر.
سه‌رۆكێ هه‌رێما كوردستانێ دبێژیت: سه‌رهلدان وه‌ستگه‌ها دیرۆكى و چاره‌نڤیسساز و خواستا پۆلاینى یا كوردستانییان بوو، د به‌رهنگاربوونا دكتاتۆریه‌ت و سته‌مكاریێ دا، گه‌لێ كوردستانێ ب باوه‌ره‌كا بهێز ب دادپه‌روه‌ری، ئێكرێزى، ئێكرتى ل سه‌ر بنه‌مایێ ئازادى و دادپه‌روه‌ریێ سه‌هه‌لدان هاته‌كرن و ده‌رگه‌هـ ل هه‌مبه‌رى پاشه‌رۆژه‌كا نوى دا ڤه‌كرن و به‌رهه‌مێ خه‌باته‌كا دوور و درێژ یا قوربانیدانا پێشمه‌رگه‌ى و گه‌لێ كوردستانێ بوو بۆ چه‌سپاندنا مافێن خۆ یێن ره‌وا د ئیراقا نوى دا.
فیدرالى و ده‌ستكه‌فتێن ده‌ستوورى به‌رهه‌مێ سه‌رهه‌لدانێ نه ژبه‌ر ڤێ یه‌كێ پاراستنا ده‌ستكه‌فتان و مسۆگه‌ركرنا مافێ نفشێ بهێت، ب ئێكرێزى، ئێكگرتن و لێكتێگه‌هشتنا هه‌مى هێز و پێكهاتان دهێته‌كرن، ره‌وشا هه‌رێما كوردستانێ و گوهۆڕینێن ناڤخۆ و ده‌رڤه ژ هه‌موویان دهێته خواستن ب گیانه‌كێ به‌رپرسیارانه و هه‌ڤپشك كار بكه‌ن و ژ وانیێن بۆرى فێرى بین و به‌رژوه‌ندییا گشتى یا گه‌لێ خۆ ب پارێزین.
د ڤێ یادێ دا سه‌رۆكێ هه‌رێما كوردستاێ دوپاتكر، ئه‌و دێ به‌رده‌وام بن ل سه‌ر كاركرنێ بۆ بجهئینانا ئارمانجێن بلند یێن سه‌رهلدانێ و خه‌باتا ئاشتیانه و دیپلۆماسى بۆ پاراستنا مافێن گه‌لێ كوردستانێ، بۆ وێ یه‌كێ خواست و هیڤیێن كوردستانییان بۆ پاشه‌رۆژێ باشتر و پێشكه‌فتیتر بهێنه بجهئینان و دڤێت بنه‌مایێ پێكڤه‌ژیانا ب ئاشتیانه، بهێزكرنا كلتۆرێ ئێكودوقه‌بلوولكرنێ، چه‌ساندنا دیمۆكراسیێ، كارێ هه‌ڤپشك ب گیانه‌كێ به‌رپرسایه‌تییا نشتیمانى بهێنه بهێزكرن و هه‌مى نفێن پشتى سه‌رهلدانێ و نفشێ نوكه و پاشه‌رۆژێ پێزانین و مفایى ژ یا بۆرى وه‌رگرن و ب ئۆمێد ته‌ماشه‌یى پاشه‌رۆژێ بكه‌ن و پێنگاڤان بهاڤێژن.
د دوماهى په‌یاما خۆ دا سه‌رۆك نێچیرڤان بارزانى سلاڤ بۆ گیانێ پاقژی شه‌هیدێن سه‌رهلدانێ و هه‌موو شه‌هیدێن كوردستانێ هه‌مبوون