رێڤه‌به‌ریا خوه‌سه‌ر یا رۆژئاڤایێ كوردستانێ ل دۆر شه‌ڕ و ئالۆزیێن شڤێدى یێن پارێزگه‌هێن ته‌رتووس و لازقیێ و حومسێ هوشداریێ د ده‌ته ده‌ستهه‌لاتا دیمه‌شقێ و دیار دكه‌ت ئه‌گه‌رێ شه‌ڕى، شاش خواندنا ژیوارێ سووریێ یه.
رێڤه‌به‌ریا خوه‌سه‌ر د راگه‌هاندنه‌كێ دا دیار دكه‌ت، ئه‌ڤ شه‌ڕه دێ وه‌لاتێ مه به‌ره‌ڤ كاره‌ساتاڤه به‌ت و دێ بیته ئه‌گه‌ر گه‌ل بهێته كومه‌لكوژكرن.
هه‌ڤده‌م داخوازێ ژ هه‌مى ئالیان دكه‌ت لسه‌ر خۆ بن و ب به‌رپرساتى سه‌ره‌ده‌ریێ بكه‌ن و كێشه‌یان ب رێكا دیالۆگێ چاره‌سه‌ر بكه‌ن.
رێڤه‌به‌ریا خوه‌سه‌ر راگه‌هاند ژى، ئه‌و ب هه‌ستیارى چاڤدێریا ره‌وشێ دكه‌ن، دیاركر ژى، ده‌ستهه‌لاتا شامێ هه‌ستاریا ره‌وشێ لبه‌ر چاڤ ناگریت.
هه‌روه‌سا دیاركر، وان پێشتر ژى راگه‌هاندى یه دڤێت دیالۆگا نیشتیمانى هه‌مى پێكهاته‌یان بخۆڤه بگریت، خواست ژى ب زویترین ده‌م ئالۆزى ب دویماهى بهێن