سه‌رۆك بارزانى د په‌یامه‌كا پیرۆزباهیێ دا ب هه‌لكه‌فتا جهژنا ره‌مه‌زانێ، ئه‌ڤ جه‌ژنه ل مالباتێن شه‌هیدان و پێشمه‌رگه‌یێن كوردستانی پیرۆز كر.
ئه‌ڤرۆ ئێڤارى لژنه‌یا دیتنا هه‌یڤێ ل وه‌زاره‌تا ئه‌وقافا هه‌رێما كوردستانێ راگه‌هاند، سوبه‌هى رۆژا ئێكشه‌مبى جهژنا ره‌مه‌زانێ یه.
سه‌رۆك مه‌سعوود بارزانى ب ڤێ هه‌لكه‌فتى د په‌یامه‌كا پیرۆزباهیێ دا راگه‌هاند و جهژنا ره‌مه‌زانێ موسلمانێن كوردستانێ و جیهانێ پیرۆز كر، گۆت ژى، پیرۆزباهیا جه‌ژنێ ل مالباتێن شه‌هیدان و پێشمه‌رگه‌یێن قاره‌مان و هه‌مى موسلمانێن كوردستانێ پیرۆز دكه‌م..
هه‌روه‌سا سه‌رۆك بارزانى هیڤیا خۆشى و ئارامیێ بۆ سه‌رجه‌م وه‌لاتیێن كوردستانێ خواست و ژ خودایێ مه‌زن خواست، رۆژى و عیباده‌تێ هه‌مى موسلمانان قه‌بویل بكه‌ت و ئه‌ڤ جه‌ژنه خێر و ئارامیێ بۆ گشت مرۆڤاتیێ دگه‌ل خۆ بینیت