پشتی ڕەوشا خێزانا ئەو پێشمەرگەیێ ل بەرواری بالا شەهیدبووی هاتیە بەلاڤکرن، بەرپرسێ لقێ 9ـێ پارتی سەرەدانا وان کر و هاریکاریێن پێدڤی پێشکێشی وان کرن.
ئومێد عارف سورچی، بەرپرسێ لژنا ناوچا بجیل یا پارتی بۆ ئاکرێ نیوز گۆت، ئەڤڕۆ د.مەردان خدر زێباری بەرپرسێ لقێ 9ـێ پارتی ل ئاکرێ، سەرەدانا وێ خێزانێ یا کو هەڤژینێ وێ ل بەرواری بالا ب مینەکا چاندی شەهیدبووی کر و کوژمەکێ پارەی دگەل چەند کەلوپەلان پێشکێشی وان کر.
هەروەسا دیارکر، مووچەیەکێ هەیڤانەیێ 500 هزار دیناری دێ بۆ خێزانا وان هێتە دابینکرن، هەتا کو مامەلێن شەهیدبوون و خانەنشینبوونا وان دروست دبن، و چارەسەری دێ بۆ کچ و خێزانا وان یێن نەخۆش دێ هێتەکرن.