سەرۆک بارزانی ب هەلکەفتا رۆژا جیهانی یا ژنان پەیامەک بەلاڤکر و تێدا نڤیسیە: ژنێن کوردستانی نمۆنەیا فیداکاری و دەستنەداهێلان و سەربلندییێ نە.
سەرۆک مەسعوود بارزانی، د تۆرا جڤاکی یا ئێکسێ دا نڤیسیە: 8ی ئادارێ ل هەمی ژنێن کوردستانێ و ئیراقێ و جیهانێ پیرۆز بیت.
سەرۆک بارزانی هەروەسا نڤیسیە: ژنێن کوردستانی نمۆنەیا فیداکاری و دەستنەداهێلان و سەربلندییێ نە و پێدڤییە ئەم هەمی رێزێ ل پێگەهـ و ماف و داخوازییێن وان بگرین و ل رۆژا جیهانی یا ژنان دا هیڤییا بەختەوەری و سەرکەفتنێ بۆ هەمی ژنێن کوردستانێ دخوازم.
ئەڤرۆ 8ی ئادارێ، رۆژا جیهانی یا ژنانە. دیرۆکا ڤێ رۆژێ بۆ دەستپێکا چەرخێ 20ێ ڤەدگەریت. ئەڤ رۆژە ژ لایێ بزاڤا کرێکارێن ئەمریکایێ ڤە هاتە پێشنیارکرن بۆ ئێکسانییا رەگەزی و پاراستنا مافێن ژنان و دویرئێخستنا وان ژ توندوتیژییێ. 8ی ئادارا هەمی سالان، ب چالاکییێن جودا-جودا ل سەرانسەری جیهانێ دهێتە پیرۆز کرن