ئه‌ڤرۆ پارێزگارێ دهۆكێ سەرەدانا پڕۆژێ چێكرنا جووتسایدێ دناڤبه‌را دهۆك-باعه‌درێ کر و ژ نزیک هایدارێ کار و قۆناغێن برێڤەچوونا وێ جووتسایدێ بوو.
د. عەلی تەتەر، پارێزگارێ دهۆکێ ڕاگەهاند، 32% كار لسه‌ر پڕۆژێ رێکا دهۆکێ و باعەدرێ هاتیه‌كرن، ل جهێ کۆ 19% کار هاتبا کرن، لەورا قۆناغێن باش بڕینە.
پارێزگارێ دهۆکێ گوت، پتری 35% كار لسه‌ر پڕوژێ چێكرنا جووتسایدێ لالش ل سنورێ شێخان هاتیه‌كرن و پارێزگارێ دهۆكێ داخواز ژ ولاتیان كر کۆ هاریكاربن و وێ رێكێ بۆ هاتنوچونێ بكار نه‌ئینن و ده‌لیڤێ بده‌نه تیمێن كاری و نه‌بنه ئه‌گه‌رێن گیروبون یان ڕاوه‌ستیانا كاری داكۆ ئه‌و جادا پێشكه‌فتی ل ده‌مه‌كێ نزیک بكه‌ڤیته خزمه‌تا گشتی.