ئەڤرۆ ب سەرپەرشتییا مەسروور بارزانی، سەرۆکوەزیرێ هەرێما کوردستانێ و ب بەرهەڤبوونا قوباد تەلەبانی، جێگرێ سەرۆکوەزیری جڤاتا وەزیران کۆمبوو.
حکومەتا هەرێما کوردستانێ ناڤەرۆکا کۆمبوونێ ئاشکرا کر کو تێدا هاتییە، پشتی کو 958 ملیار دینار وەک مووچەیێ هەیڤا شواتێ هاتینە سەر حسابا وەزارەتا دارایی و ئابووری یا هەرێمێ، بریار هاتە دان ژ سوبەهی وێڤە دەست ب دابەشکرنا مووچەیی بهێتەکرن.
هەروەسا دیار کریە: مەسروور بارزانی هەمی وەزارەت و سازی راستپاردینە کو ب زویترین دەم لیستا مووچەیێ هەیڤا ئادارێ بهێتە بەرهەڤکرن و بۆ وەزارەتا دارایی یا ئیراقێ بهێتە هنارتن بۆ هندێ مووچەیێ هەیڤا ئادارێ بەری جەژنا رەمەزانێ بهێتە دان.
هەروەسا مەسروور بارزانی تەکەز ل سەر هەلویستێ نەگوهۆر یێ حکومەتا هەرێمێ کر بۆ بجهئینانا هەموارا یاسایا بودجەیی ب ئاراستەیێ هنارتن و فرۆتنا نەفتا هەرێمێ ب رێکا کۆمپانییا سۆمۆ و ڤەگەراندنا داهاتێ وێ بۆ وەزارەتا دارایی یا فیدرال