په‌یڤدارێ حكومه‌تا هه‌رێما كوردستانێ راگه‌هاند، حكومه‌تا هه‌رێمێ به‌رده‌وامه لسه‌ر بجهئینانا پلانا خۆ، پشتى چه‌ندین سالێن حوكومڕانیێ، هه‌رێم دێ بیته خودان كاره‌با 24 ده‌مژمێرى.
پێشه‌وا هه‌ورامانى د په‌یامه‌كێ دا راگه‌هاند، هنده‌ك ئالیان هه‌وه‌كا میدیایی دژى پرۆژه‌یێ رۆناكى ده‌ستپێكرینه و راگه‌هاند، حكومه‌تا هه‌رێمێ دێ پلانا خۆ بۆ دابینكرنا كاره‌با 24 ده‌مژمێرى لسه‌رانسه‌رى كوردستانێ به‌رده‌وامیێ پێده‌ت و پشتى چه‌ندین سالان ژ حوكومڕانیێ، خه‌لكێ كوردستانێ دێ بیته خودان كاره‌با 24 ده‌مژمێرى.
گۆت ژى، هژمارا پشكداران د پرۆژه‌یێ رۆناكى دا بوویه 86 هزار خێزان و هه‌مى خێزانێن هه‌رێمێ دێ ژێ مفادار دا بن.
هه‌ورامى ره‌تكر ژى، حكومه‌تا هه‌رێمێ چ گرێبه‌ست دگه‌ل چ كۆمپانیان ئیمزاكربن بۆ به‌لاڤكرنا غازا مالان و گۆت، شێوازێ به‌لاڤكرنا غازێ هه‌ر وه‌كى خۆیه.