سەرۆک بارزانی و جێگرێ بالیۆزێ ئەمریکا ل ئیراقێ کۆمبوون و بەحسا چەندین تەوەرێن گرێدایی هەرێما کوردستانێ و ئیراقێ و تورکیا و سوورییێ کر.
سەرۆک مەسعوود بارزانی ئەڤرۆ پێشوازی ل دانیال رۆبنستین، جێگرێ بالیۆزێ ئەمریکا ل ئیراقێ کر و د کۆمبوونەکێ دا بەحسا دەرئەنجامێن سەرەدانا شاندا ئیمرالییێ و دیدارا د ناڤبەرا سەرۆک بارزانی و مەزلووم عەبدی دا کر.
سەرۆک بارزانی د ڤێ کۆمبوونێ دا چەندین گۆتن دەربارەی دویماهی پێشهاتێن ل دەڤەرێن کوردستانی یێن ل سنۆرێ کەرکووکێ چێبووین، هەبوون و دوپات کر: رەفتارێن نە د جهێ خۆ دا و ئازاردانا جۆتیارێن کورد ل پارێزگەها کەرکووکێ، هێمایێ وێ یەکێ نە کو ئەڤ رەفتارە دەرئەنجامێ عەقلیەتا شۆڤینی نە و دیمەنێن جینۆسایدا گەلێ کوردستانێ دئینیتە بیرا وان.
سەرۆک بارزانی د ڤێ کۆمبوونێ دا دوپات کر کو پێدڤییە ل ئیراقێ د چارچووڤەیێ دەستووری دا پێگیری ب بنەمایێن شەراکەت، تەوازون و تەوافوقێ بهێتە کرن.
دویماهی پێشهاتێن رەوشا دەڤەرێ، پرۆسەیا ئاشتییێ ل تورکیا و قووناغا نوی یا سووریییێ تەوەرێن دی یێن کۆمبوونێ بوو.