وەزارەتا دارایی و ئابووریا هه‌رێما كوردستانێ، وه‌زره‌تا ناڤخۆیا هه‌رێمێ ئاگه‌هداركر، هه‌مى هێزێن سه‌ر ب وه‌زاره‌تا ناڤخۆ ڤه دێ ل گۆره‌ى یاسایا راژه و خانه‌نشینكرنا هێزێن ناڤخۆ یا ژماره 18 یا سالا 2011ێ هێنه خانه‌نشینكرن.
ل گۆره‌ى نڤیساره‌كا وه‌زاره‌تا دارایی و ئابۆریا هه‌رێما كوردستانێ، ل ده‌مێ بجهئینانا یاسایا خانه‌نشینیا ئێكگرتى یا ئیراقێ ژماره 9 یا سالا 2014ێ، هێزێن پێشمه‌رگه‌ى و هێزێن ناڤخۆ بۆ ژیێ خانه‌نشینیێ دێ ڤه‌گه‌ڕن بۆ یاسایێن تایبه‌ت ب خۆڤه.
ل گۆره‌ى یاسایا خانه‌نشینیا هێزێن ناڤخۆ ژى، كارمه‌ندێن وان هێزان دشێن ل ژیێ 45 سالیێ داخوازا خانه‌نشینبوونێ بكه‌ن، لێ دڤێت 15 سال خزمه‌ت هه‌بن، د ده‌مه‌كى دا ل گۆره‌ى یاسایا خانه‌نشینیا ئێكگرتى فه‌رمانبه‌رێن شارستانى دڤێت ژیێ وان بگه‌هیته 50 سالان و 20 سال خزمه‌ت هه‌بن كو بشێن داخوزا خانه‌نشینبوونێ بكه‌ن.