سەرۆکێ هەرێما کوردستانێ د رۆژا جیهانی یا زمانێ دایکێ دا پەیامەک بەلاڤ کر و تێدا راگەهاند: زمانێ مە، هەبوونا مەیە.
نێچیرڤان بارزانی، سەرۆکێ هەرێما کوردستانێ ئەڤرۆ کو رۆژا جیهانی یا زمانێ دایکێ یە، راگەهاند: دوپاتییێ ل بەرەڤپێشبرنا زمانێ کوردی و زمانێ هەمی پێکهاتەیێن کوردستانێ دکەم.
سەرۆکێ هەرێما کوردستانێ د پەیاما خۆ دا دیار ژی کر: زمان پێکهاتەیەکێ سەرەکی یێ ناسنامەیا نەتەوەیی و نشتیمانی و کەلتۆری یا مەیە، لەورا پێدڤییە ب هەمی رەنگان بپارێزین و گرنگییێ بدەینە پێشڤەبرنا وی.