ئاکرێ نیوز
وەبەرهێنەرێ پرۆژەی دیاردکەت :"یونان ستی ناڤێ مەزنترین پرۆژێ گەشتیاریی یە لسەر ئاستێ عیراقێ کو ل ئاکرێ دهێتە دروستکرن ژلایێ کومپانیا کوردلاند کو دناڤدا فندەقا پێنچ ستێر و هژمارەکا خارنگەهـ و تلیفریک و درێم و گولف و فیلە و یاریێن ئاڤێ دناڤدا دهێنە دروستکرن، ب ئەنجامدانا ڤی پرۆژەی دێ قوناغا گەشتیاریێ خورتترلێ هێت ب تایبەتی ژئالیێ مانەڤا گەشتیاران".
ژلایێ خوڤە ئەمین سەلیم رێڤەبەرێ گەشت و گوزارێ ل ئاکرێ دبێژیت:" ئەنجامدانا ڤی پرۆژێ گرنگ ژئالیێ کەرتێ گەشت و گوزارێ ڤە گرنگیا خۆ هەیە ژبۆ مانەڤا گەشتیاران لدەڤەرێ کو دنهادا گەشتیار بتنێ ئێک رۆژ ل ئاکرێ دمینین ب سەدەمێ نەبوونا هوتێل و موتێلان ل دەڤەرێ".
هەروەها ژلایێ خوڤە د.دلاوەر بۆزو، دەڤەردارێ قەزا ئاکرێ دبێژیت :" هەر وەبەرهێنەرەک بهێتە ئاکرێ کارئاسانی ب هەمی رەنگا دێ بۆ هێتەکرن وەکو ئیدارا ئاکرێ و باشترین خزمەتگوزاری دێ پێشکێشی وی وەبەرهێنەری کەین یێ ئاڤەدانیێ ل دەڤەرێ دکەت ژپێخەمەت پویتەدان و ڤەژاندنا کەرتێ وەبەرهێنانێ و گەشتیاریێ ل دەڤەرێ".
پرۆژێ یونان ستی لسەر رووبەرێ 446 دونەمێن ئەردی دهێتە دروستکرن ب کوژمێ نزیکی 150 ملیون دولاران .