سەرۆک بارزانی د رۆژا دامەزراندنا ئێکەتییا قوتابییێن کوردستانێ و ئێکەتییا لاوێن دیمۆکراتا کوردستانێ دا پیرۆزباهییا هەردویان کر و داخواز ژێ کر: پێگیرییێ ب بەهایێن نشتیمانی و کوردایەتییێ بکەن.
سەرۆک مەسعوود بارزانی د سالڤەگەرا حەفتێ و دویێ یا دامەزراندنا ئێکەتییا قوتابییێن کوردستانێ و ئێکەتییا لاوێن دیمۆکراتا کوردستانێ دا پەیامەکا پیرۆزباهییێ ئاراستەی وان کر و د پەیامێ دا دیارکر: قوتابی و لاوان هەر ژ رۆژا دامەزراندنا ئێکەتییێن وان ل سەردەمێ شۆرەشا ئیلۆنێ و تا نوکە، رۆل و خەباتا کوردایەتی هەبوو.
سەرۆک بارزانی د پەیاما خۆ دا داخواز ژ ئێکەتییێن قوتابی و لاوان کرییە ب بەهایێن بلند یێن رێبازا کوردایەتییێ و نشتیمانپەروەرییێ دپێگیر بن و ب چەکێ زانست و داهێنانێ کار بۆ پێگەهاندنا گەنج و لاوێن هشیار بکەن.