د ئێکى شواتا سالا 2004ێ دو خۆکوژان ل بارەگەهێن لقێ 2 یێ پارتى یا دیمۆکرات یا کوردستان و مەلبەندێ 3 یێ ئێکەتییا نشتیمانى یا کوردستانى خۆ پەقاندن و زیانەکا مەزن ل پاش خۆ هێلا.
ل هەولێرێ د رێورەسمەکێ تایبەت دا و ب ئامادەبوونا مەسروور بارزانى، سەرۆکێ حکومەتا هەرێما کوردستانێ و نوونەرێ سەرۆکێ هەرێما کوردستانێ و بەرپرسێن هەر دو حزبێن پارتى و ئێکەتیێ و چەندین بەرپرس و کەسوکارێن شەهدیان ئەڤ رێورەسمە هاتە ساخکرن.
د رێورەسمان دا تاجە گولینە ژ ئالیێ سەرۆکێ حکومەتێ، نوینەرێ سەرۆکێ هەرێما کوردستانێ و هەر دو پارتان و چەندین بەرپرس و هەروەسا کەسوکارێن شەهیدان ژى تاجە گولینە دانانە سەر گۆڕێن شەهیدێن ئێکى شواتێ.
د رۆژا ئێکێ یا جەژنا قوربانێ دا ل دەمەکى خەلکێ هەرێما کوردستانێ مژوولى رێورەسمێن جەژنێ بوون و گەردەنا ئێک و دو ئازا دکر و ب دلخۆشى و بەرقرابوونا ئاشتیێ و رێکخستنا ئیدارەیا هەرێما کوردستانێ، گرۆپەکێ تیرۆرستى دو خۆکوژ ئاراستەیى بنگەهێن بارگەهێ لێ 2 یێ پارتى یا دیمۆکرات یا کوردستانێ و بارگەهێ مەلبەندێ 3 یێ ئێکەتییا نشتیمانى یا کوردستانێ کرن و بوو ئەگەر 103 کەس ژیانا خۆ ژ دەست بدەن و د ناڤا وان دا سەرکردەیێن هەر دو حزبان و هەژمارەکا بەرپرسێن حکومى ژیانا خۆ ژ دەست دان.
ئەو دو پەقین ل دەمەکى بوون کو پرۆسەیا ئاشتیێ د ناڤا ئێکەتی یا نشتیمانى یا کوردستانێ و پارتى یا دیمۆکراتى یا کوردستانێ دا بوون و ب ئۆمێد چاڤەڕێى قۆناغا بهێت دکرن و ب گۆتنا بەرپرسێن بلند یێن هەر دو حزبان ئێک ژ ئەنجامێن وێ دروستکرنا ئاستەنگان بوو بۆ هەر دو ئالییان، بەلێ ئارمانجا وان نەهاتە بجهئینان و خەلکێ کوردستانێ و کادرێن هەر دو حزبان پێکڤە شینى و تازى دانا و بوو یادا شەهیدێن ئێکى شواتێ و بزاڤێن وان شکەستن ئینا.