سێ قەچاخچیێن کورد ل فرەنسا هاتن گرتن، پشتی رووبرووبوون د ناڤبەرا وان و پۆلیسان دا چێبووی و پۆلیسەک بریندارکری.
ل گۆرەی زانیاریێن داواکارییا گشتی یا باژارێ دیجۆن، پۆلیسێن فرەنسا ب هەڤپشکی ل گەل پۆلیسێن بریتانیا ئۆپەراسیۆنەک بۆ گرتنا تۆرەکا قەچاخچییان کر کو ژ پێنج کەسان پێکهاتبوون و سێ ژ وان خەلکێ هەرێما کوردستانێ بوون.
ئاشکرا کر: ئۆپەراسیۆن ل وی دەمێ دەستپێکر، پشتی ل درەنگییا شەڤا ئەینییا بۆری پۆلیسان چاڤدێرییا ترومبێلا وێ باندا قەچاخچییان کری کو ل بریتانیا هاتبوو تومارکرن و ل دەمێ چاڤدێریێ دو کەس ژ ترومبێلێ هاتنە خوار و تەقە ل پۆلیسان کر و پۆلیسەک بریندار کر.
دا زانین ژی: پشتی هینگێ پۆلیسان بەرسڤا وان دا تۆمەتبار رەڤین و ل دوورییا چەند سەد مەترەکان تۆمبێلا خۆ بجهێلا، باند ژ پێنج کەسان پێکهاتبوو پۆلیسان تۆمەتبارەک ب برینداری ل جهێ رویدانێ گرت ل دویڤ دا سێ کەسێن دی کو خەلکێ هەرێما کوردستانێ بوون، دەستەسەرکرن.