جڤاتا وەزیران د کۆمبوونا ئاسایی ئەڤرۆ دا ژ بلی بودجە و هنارتنا نەفتێ، باسێ موچەیێ هەر 12 هەڤێن ئەڤ سالە کرینە.
ئەڤرۆ جڤاتا وەزیرێن هەرێما كوردستانێ" ب سەرپەرشتییا سەرۆکوەزیران مەسرور بارزانی کۆمبوو و دیار كر، ئاریشا موچەیی هاتە چارەسەرکرن و سوپاسیا موچەخۆران کرییە بۆ بێهنفرەهییا وان" هەروەسا حکومەتا هەرێما کوردستانێ، خەمسارییێ بۆ مسۆگەرکرنا شایستێن داراییی یێن مۆچەخۆرێن هەرێمێ ناکەت.
جڤاتا وەزیران، وەزارەتا سامانێن سروشتی ڕاسپارد، كو بەردەوام د پەیوەندییێ دابن ل گەل وەزارەتا نەفتا عێراقێ و کۆمپانیا سۆمۆ و کۆمپانیێن نەفتی یێن بەرهەمهێنەر ل هەرێمێ، داكو د زووترین دەمدا، هنارتنا نەفتا هەرێما کوردستانێ دەستپێبکەت" دیسان جڤاتا وەزیرێن هەرێما كوردستانێ وەزارەتا دارایی و ئابوری بۆ هنارتنا پشكا گەنجینا فیدرالی بۆ هەیڤا کانوونا دووێ یا سالا 2025 ێ، بۆ سەر هژمارا وەزارەتا داراییا فیدرالی راسپارد.
هەروەسا بڕیارا پەسەندکرنا ڕێکارێن ڤەگوهاستنا خانەنشینێن پێشمەرگە و سەربازی و هێزێن ئاسایشا ناڤخۆ و شایستێن کەسوکارێن شەهیدان و ئەنفالکرییان بۆ سەر ڕێڤەبەرییا گشتییا خانەنشینێ وەک لایەنێ تایبەتمەند ب خانەنشینیێ ل هەرێما كوردستانێ " هەروەسا داهاتی ژی بێخنە د خزمەتا خەزینا گشتییا فیدرالی دا.