ئه‌ڤرۆ ئامانج ڕەحیم، سکرتێرێ جڤاتا وزیرێن هه‌رێما كوردستانێ راگه‌هاند: ل گۆره‌ى رێككه‌فتنا هه‌رێمێ و حكومه‌تا فیدرال، مووچه‌یێ موچه‌خۆرێن هه‌رێمێ یێ هه‌ر 12 هه‌یڤێن ئه‌ڤ ساله هاتیه مسۆگه‌ركرن.
ئارمانج ره‌حیم د راگه‌هاندنه‌كێ دا به‌لاڤكر، پشتى 15رۆژان ژ كارێ هه‌ڤپشكێ شاندێن ته‌كنیكى یێن وه‌زاره‌تا دارایی و ئابۆرى یا هه‌رێمێ دگه‌ل وه‌زاره‌تا درایی یا ئیراقێ، بۆ چاره‌كرنا كێشه‌یێن ته‌كنیكى و بجهئینانا داخوازیان و ئاماده‌كرنا خشته‌یان ده‌رباره‌ى لیستێن مووچه‌یێ فه‌رمانبه‌ران و هێزێن سه‌ربازى و ئه‌منى و مفادارێن چاڤدێریا جڤاكى، ل داویێ هه‌ر دو ئالى ل دۆر شایسته‌یێن دارایی یێن هه‌رێمێ بۆ سالا 2025ێ گه‌هشتنه رێككه‌فتنا دویماهیێ.
ئامانج ره‌حیمى گۆت ژى، بۆ بجهئینانا رێككه‌فتنێ، هه‌رێم دێ پێگیریێن خۆیێن ته‌كنیكى، پترۆلى و نه پترۆلى بجهئینیت.