پارێزگارێ دهوكێ لدوور پاراستنا ئاسایشا كۆمه‌لایه‌تی و ژینگه‌هێ و بابه‌تێ گیانه‌ورێن به‌ره‌لا دگه‌ل چه‌ند لایه‌نێن په‌یوه‌ندیدار كۆمبو
ئه‌ڤرۆ ڕۆژا پێنجشه‌مبی رێكه‌فتی ٣٠ێ كانوونا دوویێ یا ٢٠٢٥ێ ب سه‌رپه‌رشتیا به‌رێز"د.عه‌لی ته‌ته‌ر"پارێزگارێ دهوكێ و ب ئاماده‌بونا داواكارێ گشتی و ده‌ڤه‌ردارێ دهوكێ و رێڤه‌به‌رێن ئه‌وقاف و باژێرڤانیێ و چه‌ند ریڤه‌به‌رێن داموده‌زگایێن ئه‌منی و ماموستایێن ئاینی و سه‌ندیكایێن پارێزه‌ره‌را و راگه‌هاندنێ و مافێن مروڤی,لدور بابه‌تێ لناف تورێن جڤاكی هاتیه ئازراندن یێ زێده‌بونا گیانه‌وه‌رێن به‌ره‌لا"سه‌یان"لناف سه‌نته‌رێ پارێزگه‌هێ و شلته‌ركرنا وان و پاراستنا ئاسایشا كومه‌لایه‌تی و ژینگه‌هێ كۆمبونه‌ك هاته ئه‌نجامدان
پارێزگارێ دهوكێ د كۆنگره‌كێ ڕۆژنامه‌ڤانی دا راگه‌هاند:-
بابه‌تێ د حه‌فتیێن ده‌ربازبویدا لناف تورێن جڤاكی هاتیه ئازراندن كۆ بابه‌تێ گیانه‌وه‌رێن به‌ره‌لایه حكومه‌تا هه‌رێما كوردستانێ ب ئه‌ركێ خو رابویه و پێشده‌م به‌رێ بنیاتی بو پڕوژێ چێكرنا شلته‌ری بو ڤه‌حواندنا وان هاتیه دانان و پڕۆژه د قوناغێن دوماهیێ دایه و هه‌می ئه‌و گیانه‌وه‌رێن به‌ره‌لا دێ بو وی جهی هێنه ڤه‌گوهاستن
پارێزگارێ دهوكێ خواست ژی هه‌ركه‌سه‌ك و ب تایبه‌تی دامو ده‌زگایێن راگه‌هاندنێ هیچ بابه‌ته‌كی نه ئازرینن كو ببیته هوكارێ برینداربونا تاكێن جڤاكی و ته‌كه‌زی لسه‌ر پێكڤه‌ژیانێ و ئیكودو قه‌بیلكرنێ كر و گوت پێتڤیه به‌رامبه‌ر هه‌رێماخۆ ملله‌تێ خو پارێزگه‌هاخو هه‌می تاكێن جڤاكی هه‌ست ب به‌رپرسایه‌تیێ بكه‌ن و دوماهی ب بابه‌تێن تێكدانا ئاسایشا كومه‌لایه‌تی بهێت و جاره‌كادی ڤیان و براینی و رێزگرتنێ لناف جڤاكی بهێته به‌لافكرن و ئێك و دوو قه‌بیل بكه‌ن و ئێمناهیا پارێزگه‌هێ كو ئێك ژ ئارامترین پارێزگه‌هایه بهێته پاراستن و نابیت هه‌ر تاكه‌ك سه‌ره‌ده‌ریه‌كا نه دورست دگه‌ل هه‌ر بابه‌ته‌كی بكه‌ت كو ببیته ئه‌گه‌رێ نه‌ئارامیا وه‌لاتیان.