پارێزگه‌ها دهۆكێ هه‌ژماره‌كا بڕیاران ده‌رخستن و یێ پێگیر نه‌بیت دێ ل هه‌مبه‌رى یاسایێ سه‌ره‌ده‌ریێ ل گه‌ل كه‌ت، ژ وانا ژى هه‌ر ئه‌ڤرۆ دێ هه‌مى پارزینگه‌هێن مۆله‌ت نه‌یى هێنه داخستن.
ده‌قێ بڕیارێن پارێزگارێ دهۆكێ:
هه‌مى ئه‌و جهێن كارێ پارزنینێ دكه‌ن هه‌ر ئه‌ڤرۆ دێ هێنه داخستن و ئێك پارزینگه‌ها نه‌یاسایى نه‌بیت كار ناكه‌ت.
هه‌ر كارگه‌هه‌كا ببیته ئه‌گه‌رێ پیسكرنا ژینگه‌هێ دێ هێته داخستن، چ به‌رهه‌م بینیت ئه‌و كێشه‌یا وى یه.
هه‌ر تشته‌كێ ببیته ئه‌گه‌رێ پیسبوونا ژینگه‌هێ ب توندى دێ به‌رهنگار بین.
موه‌لیده دڤێت ببنه فلته‌ر و بێده‌نگكرن و ئه‌وێ نه‌كه‌ت دێ رێكاران هه‌مبه‌رى وى گرینه به‌ر.
كۆنترۆلكرنا وێ سووته‌مه‌نییا ژ ده‌رڤه دهێت و دڤێت بهێته كۆنترۆلكرن.
ب چ ره‌نگان رێك ناهێته‌دان ل ناڤا باژێڕى ئاگر بهێته هه‌لكرن.
ئه‌و ترومبێل دێ هێنه سزادان یێن ژینگه‌هێ پیس دكه‌ن.
پێشتر حكومه‌تا هه‌رێما كوردستانێ ل دۆر پیسبوونا ژینگه‌هێ ل پارێزگه‌ها دهۆكێ داخوازا گرتنه‌به‌را رێكاران كربوو و دیاركبوو هه‌ر چ ئه‌گه‌رێ پیسبوونێ بیت دێ ل هه‌مبه‌ر راوه‌ستن.